ग्वाल्हेरमधील ‘किसिंग कार’चा व्हिडिओ एका दिवसात ५५ लाखांहून अधिक व्ह्यूज; वाहतूक नियमांचे उल्लंघन केल्याप्रकरणी कारवाई
ग्वाल्हेर : सोशल मीडियावर प्रसिद्धी मिळवण्यासाठी केलेला अनोखा प्रयोग मध्य प्रदेशातील ग्वाल्हेरमध्ये एका कारचालकाला चांगलाच महागात पडला. पांढऱ्या रंगाच्या कारवर तब्बल ३,४०० हून अधिक लिपस्टिकचे ओठांचे ठसे उमटवून तयार करण्यात आलेला व्हिडिओ सोशल मीडियावर मोठ्या प्रमाणात व्हायरल झाला. मात्र, या कारचा रस्त्यावरील व्हिडिओ वाहतूक पोलिसांच्या निदर्शनास आल्यानंतर चालकावर कारवाई करण्यात आली असून ५,५०० रुपयांचा दंड ठोठावण्यात आला आहे.
या कारला सोशल मीडियावर ‘किसिंग कार’ म्हणून ओळख मिळाली होती. कार रस्त्यावरून जात असताना तिच्याकडे अनेकांचे लक्ष वेधले जात होते. काही जण कारचे व्हिडिओही तयार करत होते. त्यामुळे इतर वाहनचालकांचे लक्ष विचलित होऊन वाहतुकीच्या सुरक्षिततेला धोका निर्माण होऊ शकतो, या कारणामुळे पोलिसांनी व्हायरल व्हिडिओची दखल घेतली.
ग्वालियर में 3 घंटे में गर्लफ्रेंड ने अपने प्रेमी की कार में 3000 हजार से अधिक किस किए। जिसके बाद यह कार सोशल मीडिया पर वायरल हो गई।
— Mr.Binod (@Mr__binod) August 25, 2026
फिर पुलिस ने उस कार को पकड़कर 5500 का चालान कर दिया। pic.twitter.com/af8PzWz426
साडेतीन तासांत ३,४०० Kiss Marks
इन्स्टाग्राम रील्स बनवणारा आदित्य सिकरवार याने हा व्हिडिओ तयार केल्याची माहिती समोर आली आहे. सोशल मीडियावर वेगळी ओळख निर्माण व्हावी आणि रील मोठ्या प्रमाणात व्हायरल व्हावी, हा या प्रयोगामागचा उद्देश होता.
यासाठी आदित्यच्या गर्लफ्रेंडने पार्क केलेल्या पांढऱ्या कारवर लिपस्टिकच्या मदतीने तब्बल ३,४०० ओठांचे ठसे काढले. हे काम पूर्ण करण्यासाठी सुमारे साडेतीन तास लागले. त्यानंतर कार रस्त्यावर धावत असतानाचा व्हिडिओ तयार करून तो इन्स्टाग्रामवर पोस्ट करण्यात आला.
गर्लफ्रेंड ने कार पर किए 3400 किस! 💋
— Payall Singhh (@PayallSingh13) August 25, 2026
रील वायरल हुई तो 55 लाख व्यूज आए… लेकिन पुलिस ने कार पकड़कर ₹5,500 का चालान थमा दिया! 😂
सोशल मीडिया की ‘किसिंग कार’ का अंत थाने में हुआ! 🚗💋#ViralVideo #Trending #InstagramReels #TrafficPolice #ViralNews #FunnyNews #Car #SocialMedia pic.twitter.com/YRcR3oHpG8
एका दिवसात ५५ लाखांहून अधिक व्ह्यूज
व्हिडिओ पोस्ट केल्यानंतर तो काही वेळातच सोशल मीडियावर चर्चेचा विषय ठरला. अवघ्या एका दिवसात या रीलला ५५ लाखांपेक्षा जास्त व्ह्यूज मिळाल्याचे सांगण्यात आले.
मात्र, या व्हायरल व्हिडिओमुळे आदित्यचे लक्ष वेधण्याचे प्रयत्न वाहतूक पोलिसांच्याही नजरेत आले. व्हिडिओमध्ये MP 07 CC 9452 क्रमांकाची कार रस्त्यावर वेगाने धावताना दिसत होती. कारवरील वेगळ्या सजावटीमुळे रस्त्यावरील इतर वाहनचालकांचे लक्ष विचलित होत असल्याचे पोलिसांच्या निदर्शनास आले.
व्हिडिओच्या आधारे कार शोधून जप्त
व्हायरल व्हिडिओच्या आधारे वाहतूक पोलिसांनी कारची माहिती मिळवून तिच्यावर कारवाई केली. पोलिसांनी कार जप्त करून ती वाहतूक पोलीस ठाण्यात आणली. त्यानंतर कारचा मालक आदित्य सिकरवार याला चौकशीसाठी बोलावण्यात आले.
पोलीस ठाण्यात आल्यानंतर आदित्यने आपली चूक मान्य केली. भविष्यात अशी पुनरावृत्ती होणार नाही, असे सांगत त्याने पोलिसांची माफी मागितली. त्यानंतर पोलिसांसमोरच त्याने पाण्याने कार धुवून तिच्यावर केलेले लिपस्टिकचे सर्व ठसे आणि डाग काढून टाकले.
दरम्यान, मोटार वाहन कायद्यातील विविध कलमांनुसार वाहतूक पोलिसांनी कारवाई करत आदित्यवर ५,५०० रुपयांचा दंड आकारला. सोशल मीडियावरील प्रसिद्धीसाठी केलेला हा प्रयोग अखेर वाहतूक नियमांच्या कारवाईमुळे चर्चेत आला.
