उत्कृष्ट कामगिरी करणाऱ्या कर्मचाऱ्यांचा तहसीलदारांच्या हस्ते विशेष सन्मान
रिसोड (Risod Census 2027) : केंद्र शासनाच्या जनगणना २०२७ मोहिमेंतर्गत रिसोड तालुक्यात जनगणना कार्याने मोठी गती घेतली आहे. तहसीलदार प्रतीक्षा तेजनकर यांच्या कुशल मार्गदर्शनाखाली तालुक्यातील कर्मचारी अत्यंत जबाबदारीने व तत्परतेने हे काम करत आहेत. दरम्यान, अल्पावधीत उत्कृष्ट आणि नियोजनबद्ध काम पूर्ण करणाऱ्या कर्मचाऱ्यांचा तहसील प्रशासनाच्या वतीने जाहीर सन्मान करण्यात आला. प्रशासनाच्या या उपक्रमामुळे इतर कर्मचाऱ्यांनाही उत्कृष्ट कामाची प्रेरणा मिळत आहे.
पहिल्या टप्प्यातील उत्कृष्ट मानकरी
जनगणना मोहिमेचा पहिला टप्पा (Risod Census 2027) वेळेत पूर्ण करण्यात तालुक्यातील विविध गावातील कर्मचाऱ्यांनी मोलाचे योगदान दिले. यामध्ये प्रामुख्याने खालील कर्मचाऱ्यांचा समावेश आहे: किरण मोरे (चाकोली): त्यांनी बीएलओची (BLO) दुहेरी जबाबदारी सांभाळत संपूर्ण तालुक्यात जनगणना मोहिमेचा पहिला टप्पा सर्वात प्रथम पूर्ण करण्याची उल्लेखनीय कामगिरी केली. मदन आरू (रिठद): स्वतः बीएलओची जबाबदारी सांभाळत असतानाही त्यांनी जनगणनेचे काम अत्यंत अचूक आणि वेळेत पूर्ण केले. ज्योती आचमारे (बोरखेडी), शीतल सोळंकर (हराळ) व वर्षा राठोड (मोहजा बंदी): यांनीही त्यांच्यावर सोपविण्यात आलेली जबाबदारी चोखपणे पार पाडत पहिला टप्पा वेळेत पूर्ण केला. या सर्व कर्मचाऱ्यांच्या उल्लेखनीय कामगिरीबद्दल तहसीलदार प्रतीक्षा तेजनकर आणि नायब तहसीलदार रावसाहेब देशपांडे ,सुभाष जाधव यांच्या हस्ते त्यांचा विशेष सन्मान करण्यात आला.
याप्रसंगी (Risod Census 2027) तालुक्यातील सर्व मंडळ अधिकारी उत्तम नप्ते,अनिल लहाने, सुनील लोखंडे ,समाधान जावळे गजानन गरकळ यांची उपस्थित होती. "आम्ही केलेल्या कामाची प्रशासनाने योग्य वेळी दखल घेत आमचा सन्मान केला, यामुळे निश्चितच आम्हाला अधिक ऊर्जा आणि प्रेरणा मिळाली आहे. भविष्यातही शासनाच्या विविध उपक्रमांमध्ये आम्ही अशीच जबाबदारीने व प्रामाणिकपणे कामगिरी बजावत राहू."
-वर्षा राठोड (मोजाबंदी), सन्मानित कर्मचारी
