लातूरहून रायपूरला 'दाळवं' घेऊन जाणारा ट्रक झाला पलटी
डोंगरकडा (National Highway Accident) : राष्ट्रीय महामार्ग क्रमांक ३६१ वरील अपघाताची मालिका सुरूच असताना जिल्हा प्रशासकीय यंत्रणा अद्यापही कुंभकर्णी झोपेमध्येच दिसून येत आहे. या राष्ट्रीय महामार्गाचे काम करणार्‍या कंपनीवर अद्याप कोणतीही कार्यवाही झाली नसल्याने नागरिकांत तीव्र असंतोष निर्माण झाला आहे.
२७, २८, २९ ऑगस्ट रोजी सातत्याने तीन अपघात झाले त्यात पत्ता गोबी आणि पपईचे मोठे नुकसान झाले. ३१ ऑगस्ट रोजी लातूरहून रायपूरला दाळव्याची वाहतुक करणारा ट्रक क्रमांक एमएच २४ एयु २५४० हा राष्ट्रीय महामार्ग क्रमांक ३६१ वरील भाटेगाव कालव्यावरील वळणाचा अंदाज न आल्याने ट्रक महामार्गावरील असलेल्या दुभाजक वर आदळून अपघात झाला आहे. सुदैवाने यात जीवित हाणी किंवा कोणतीही दुखापत झाली नाही.
या (National Highway Accident) वळणावर सातत्याने अपघात होऊन अनेकांना आपले प्राण गमवावे लागले कित्येकजण जायबंदी झाले तर कित्येक अपघात आपसात मिटवून निघून गेले असून या ठिकाणी २० ते ३० मृत्यू झाल्यानेच प्रशासन जागे होणार आहे का? असा प्रश्न जनता करीत आहे. तसे झाले तर या ठिकाणी भविष्यात येथे जनतेकडून रास्तारोको होण्याची चिन्ह दिसून येत आहेत. अपघात झाला की वाहनांच्या लागणार्‍या रांगा आणि पोलिसांना येथील वाहतून सुरळीत करण्यासाठी येथे आता पोलीस मदत केंद्र स्थापन करण्यात यावे अशी मागणी होत आहे.
