कळमनुरी : पोलीस ठाणे कळमनुरी हद्दीत दि. १५ ते २० सप्टेंबर या कालावधीत नाकाबंदी दरम्यान मोटार वाहन कायद्यानुसार एकूण १३१ प्रकरणांमध्ये कारवाई करण्यात आली. या कारवाईत एकूण १ लाख १२ हजार रुपयांचा दंड वसूल करण्यात आला.
यामध्ये विनाहेल्मेट वाहन चालविल्याप्रकरणी ५४ प्रकरणांत ५४ हजार रुपये, ट्रिपल सीट वाहन चालविल्याप्रकरणी २९ प्रकरणांत २९ हजार रुपये, अवैध प्रवासी वाहतुकीच्या एका प्रकरणात १० हजार रुपये, वाहन चालविण्याचा परवाना सोबत न बाळगल्याप्रकरणी ३० प्रकरणांत १५ हजार रुपये, तर इतर कलमांखाली १७ प्रकरणांत १२ हजार रुपयांचा दंड करण्यात आला.
ही कारवाई पोलीस उपविभागीय अधिकारी मयूर रसाळ यांच्या मार्गदर्शनाखाली सुजित फुसनाके यांनी केली.
