पाच जणांना ताब्यात घेऊन पोलीस स्टेशनला नेले
जिल्हा परिषद मैदानावर नियमित तपासणी केली जाणार
हिंगोली (Wasmat police action) : जिल्हा परिषद मैदानावर संध्याकाळच्या वेळी दारू पिऊन धिंगाणा घालणाऱ्या तळीरामांवर स्थानिक गुन्हे शाखेने दणका दिला. पोलीस अधीक्षक डॉ. नीलाभ रोहन यांच्या सूचनेनुसार स्थानिक गुन्हे शाखेच्या पथकाने 21 एप्रिल ला मंगळवारी सायंकाळी जिल्हा परिषद मैदानाची नाकेबंदी करून छापा टाकला. यावेळी मद्यपान करणाऱ्या पाच जणांना ताब्यात घेऊन वसमत शहर पोलीस स्टेशनला नेण्यात आले व त्यांच्यावर कठोर कायदेशीर कारवाई करण्यात आली.
यामध्ये ताब्यात घेण्यात आलेल्या मध्ये सुभाष दत्तराव अडलिंगे, रा. सोमवार पेठ वसमत , शेख सत्तार शेख जफर रा. रतन नगर वसमत, महबूब खान तसलीम खान पठाण, वय 40, रा. कवठा रोड वसमत, शिवाजी सूर्यभान कोरडे, रा. मुसापुर शहा वसमत , सय्यद मुजीब सय्यद मैनुद्दीन, रा. कोहिनूर कॉलनी वसमत
एलसीबीच्या छाप्यामुळे मैदानावरील हौशी रिकामटेकड्यांची एकच पळापळ झाली. यापुढेही (Wasmat police action) जिल्हा परिषद मैदानावर नियमित चेकिंग करण्यात येणार असून गैरवर्तन करणाऱ्यांवर आणखी कठोर कारवाई केली जाईल, असा इशारा पोलिसांनी दिला आहे. त्यामुळे मैदानावर एकांतात गैरवर्तन करणाऱ्यांचे धाबे दणाणले आहेत.
सदरची कारवाई पोलीस अधीक्षक डॉ. नीलाभ रोहन, अपर पोलीस अधीक्षक कमलेश मीना व पोलीस निरीक्षक मोहन भोसले यांच्या मार्गदर्शनाखाली सपोनि घेवारे, आकाश टापरे, साईनाथ कंठे, शिवाजी जाल्मिरे व ज्ञानेश्वर गोरे यांच्या पथकाने केली.
