परभणीत इंधनाच्या टँकरच्या धडकेत दुचाकीस्वाराचा मृत्यू

परभणी-गंगाखेड रोडवर सिंगणापूर फाट्याजवळ अपघात

परभणी (Parbhani Accidental Death) : दैठणा  भरधाव वेगातील इंधनाच्या टँकरने दुचाकीला पाठीमागून जोराची धडक दिली. या अपघातात दुचाकीस्वाराचा मृत्यू झाला. ही घटना मंगळवार ९ जून रोजी सकाळी साडे दहाच्या सुमारास परभणी - गंगाखेड रोडवर सिंगणापूर फाट्या जवळ घडली. सदर प्रकरणी आरोपी टँकर चालकावर दैठणा पोलिसात गुन्हा दाखल करण्यात आला आहे.  माणिक आप्पाराव कदम यांनी फिर्याद दिली आहे. डिगांबर पिराजी कदम वय २५ वर्ष, असे मयताचे नाव आहे. डिगांबर कदम हे एम.एच. १४ इ.टी.  ६३३१ या दुचाकीने तिरुपती पेट्रोलपंप येथून सिंगणापूरकडे जात होते. यावेळी परभणीहून गंगाखेडकडे जाणार्‍या एम.एच. ४४ ए.जे. ७४७७ या क्रमांकाच्या इंधनाच्या टँकरने दुचाकीला पाठीमागून धडक दिली.

अपघातात गंभीर जखमी होऊन डिगांबर कदम यांचा मृत्यू झाला. (Parbhani Accidental Death) अपघातानंतर टँकर चालक घटनास्थळा वरुन पसार झाला. या प्रकरणी टँकर चालक लहुकुमार धोंडिबा पुरी याच्यावर दैठणा पोलिसात गुन्हा दाखल करण्यात आला आहे. तपास पोउपनि. मुंढे करत आहेत. अपघाताची माहिती कळताच सपोनि. जी.जी. सोनेत, पोलीस अंमलदार विठ्ठल कुंडगीर, आशुतोष जाधव यांनी घटनास्थळी धाव घेतली. पंचनामा करत मृतदेह ताब्यात घेऊन उत्तरीय तपासणीसाठी जिल्हा सामान्य रुग्णालयात पाठविला.