हिंगोली (World No Tobacco Day) : जागतिक तंबाखू विरोधी दिनाचे औचित्य साधून शासकीय वैद्यकीय रुग्णालय येथे आरोग्य तपासणी व जनजागृती शिबिराचे आयोजन करण्यात आले होते. अधिष्ठाता डॉ. श्रीचक्रधर मुंगल आणि जिल्हा शल्य चिकित्सक डॉ. नितीन तडस यांच्या मार्गदर्शनाखाली हे शिबिर पार पडले.
दंत रोग तज्ञ व नोडल वैद्यकीय अधिकारी डॉ. फैसल खान यांच्या नेतृत्वाखाली मधुमेह, उच्च रक्तदाब, कर्करोग व मौखिक तपासणी शिबिर घेण्यात आले. यावेळी रक्तदान शिबिरासह विविध आरोग्यविषयक जनजागृतीपर कार्यक्रमांचेही आयोजन करण्यात आले होते.
या शिबिरात एकूण 135 रुग्णांची तपासणी करण्यात आली. तपासणीदरम्यान एका रुग्णाची बायोप्सी करण्यात आली, तर दोन रुग्णांवर आवश्यकतेनुसार मुख शस्त्रक्रिया डॉ. फैसल खान यांनी यशस्वीरित्या केली.
या कार्यक्रमाला जिल्हा आरोग्य अधिकारी डॉ. कैलास शेळके, डॉ. गीते, डॉ. दीपक मोरे, डॉ. गोल कदम, डॉ. नितीन पुरोहित, डॉ. मनीष बगडिया, डॉ. शैलजा कुप्पास्वामी, डॉ. सतीश रूणवाल, डॉ. जायभये, डॉ. कंठे, डॉ. परदेशी, डॉ. स्नेहल नगरे, तालुका आरोग्य अधिकारी जोगदंड यांच्यासह शंकर तावडे, श्रीपाद गारुडी, आशा क्षीरसागर, ज्ञानेश्वर चौधरी, भारतभुषण रणवीर, आनंद साळवे, गंगाधर बोंगाने, अरबाज खान, एकलास खान पठाण, संदीप सोळंखे, शोएब शेख आदी मान्यवर उपस्थित होते.
