हिंगोली (MLA Santosh Bangar) : कळमनुरी विधानसभा मतदार संघाचे शिवसेना आमदार संतोष बांगर यांच्या नेतृत्वात दरवर्षी प्रमाणे यंदाही भव्य कावड यात्रा काढण्यात येणार आहे. या यात्रेच्या नियोजनासाठी आढावा बैठक आयोजित करण्यात आली आहे.
शिवसेनेच्या वतीने देण्यात आलेल्या माहितीनुसार, ही बैठक शुक्रवार दिनांक 14 ऑगस्ट 2026 रोजी सकाळी 11:00 वाजता ओम् कयाधू अमृतधारा महादेव मंदिर, हिंगोली येथे होणार आहे. या बैठकीत कावड यात्रेच्या मार्ग, व्यवस्था आणि सहभागाबाबत चर्चा केली जाणार आहे. दरवर्षी हजारो शिवभक्त या कावड यात्रेत सहभागी होतात. बैठकीसाठी सर्व शिवभक्तांनी मोठ्या संख्येने उपस्थित राहावे, असे आवाहन आमदार संतोष लक्ष्मणराव बांगर (MLA Santosh Bangar) यांनी केले आहे.
