वसमत शहर पोलिसात तिघा विरूध्द गुन्हा दाखल
वसमत (Vasmat Police Case) : येथील झेंडा चौक परिसरात तीन जणांनी मारहाण केल्याची घटना मारहाण केल्याची घटना घडली आहे बातमी का छापली या कारणावरून मारहाण झाल्याची तक्रार पोलिसात करण्यात आली आहे याप्रकरणी वसमत शहर पोलीस ठाण्यात तीन जणांविरोधात गुन्हा नोंदवला असून पोलिसांनी आरोपीला ताब्यात घेतले आहे.
याबाबत पोलिस सुत्रांनी दिलेली माहिती अशी की, वसमत येथील पत्रकार देविदास शंकर चपटे यांनी तक्रार दिली की वसमत येथील झेंडा चौक परिसरात बुधवारी ५ ऑगस्ट रोजी रात्री आठच्या सुमारास तु गोवंशाच्या जास्त बातम्या का लावतो असे म्हणुन शिवीगाळ केली व गच्चीला धरुन मारहाण केली आणि जिवेमारण्याची धमकी दिली असल्याची तक्रार वसमत शहर पोलीस ठाण्यात नोंदवण्यात आली आहे.
या तक्रारीवरून अलताफ, शाहरुख, अरबाज या तीन जणांविरोधात म. प्रसार माध्यम व्यक्ती आणि प्रसार माध्यम संस्था (हिंसा आणि मालमत्तेचे नुकसान प्रतिबंधक) अधिनियम २०१७ यासह इतर कलमान्वये गुन्हा नोंदविण्यात आला आहे. प्रकरणात तपास उपविभागीय पोलीस अधिकारी राजकुमार केंद्रे करत आहेत.
