सेनगाव (Sengaon SIR Camp) : संपूर्ण महाराष्ट्रात सध्या मतदार यादींचे विशेष सखोल पुनरीक्षण सुरू आहे. या अंतर्गत सेनगाव नगरपंचायत मार्फत सेनगाव शहरात विशेष शिबिराचे आयोजन दिनांक 19 जुलै २०२६ रोजी सातारकर मंदिर सभागृह येथे करण्यात आले होते. या शिबिरामध्ये भाग क्रमांक 149 , 150,151,152,153,154 मधील मतदाराकरिता फॉर्म भरण्याची सुविधा उपलब्ध करून देण्यात आली होती. सदर शिबिरास नागरिकांनी उत्स्फूर्त प्रतिसाद दिला आणि 500 हून अधिक नागरिकांनी सदर शिबिरास भेट दिली.
शिबिरामध्ये उपस्थित बीएलओ पर्यवेक्षक सहाय्यक मतदान अधिकारी यांच्यामार्फत मतदारांचे शंका निरसन करण्यात आले तसेच फॉर्म भरून घेणे ते डिजिटाईज करणे या प्रक्रिया करण्यात आल्या. सदर शिबिरास नगरपंचायत अध्यक्ष ,उपाध्यक्ष , सर्व नगरसेवक तसेच इतर नागरिकांचे सहकार्य लाभले. या (Sengaon SIR Camp) ठिकाणी कोरडे, तिडके, दुकानदार, जोगी श्रीमती गीते, निर्मळ हे सर्व केंद्रस्तरीय मतदान अधिकारी व त्यांचे सहाय्यक पूर्ण वेळ उपस्थित होते. पर्यवेक्षक शेख सर, मुख्याधिकारी तथा सहाय्यक मतदान नोंदणी अधिकारी गणेश गांजरे हे देखील उपस्थित होते. तसेच बोकारे , मस्के, दिनकर, पडोळे, देशमुख, कोकाटे, वाघ, कांबळे व इतर सर्व नगरपंचायत कर्मचारी यांनी सदर शिबिर यशस्वी करण्यासाठी मेहनत घेतली.
