प्रवाशाची बॅग शोधून परत केल्याबद्दल ऑटोचालकाचा सत्कार
पारडी : काल दिनांक ९ सप्टेंबर २०२६ रोजी ऑटो क्रमांक MH-49-AR-0284 मध्ये सवारी करणारे राजेंद्र सातपुते, महालगाव, सावली फाटा येथून बसून हनुमान मंदिर चौक, पारडी येथे उतरले. मात्र, त्यांची बॅग ऑटोमध्येच विसरली.
सवारी यांनी हनुमान मंदिर चौक, पारडी येथे वाहतूक अंमलदार HC/722 विनोद अवझे व सोबतच्या होमगार्डना बॅग ऑटोमध्ये विसरल्याची माहिती दिली. त्यानंतर HC विनोद अवझे यांनी काही ऑटोचालकांकडे ऑटोबाबत विचारपूस करून बॅगचा शोध घेण्याचे प्रयत्न सुरू केले.
दरम्यान, ऑटोचालकाला या बाबत माहिती मिळाल्यानंतर ऑटोचालक सुभाष समरीत यांनी बॅग परत आणून दिली. बॅगमध्ये असलेले ७,००० रुपये व्यवस्थित मिळाले.
प्रवाशाची बॅग शोधून ती सुरक्षितपणे परत केल्याबद्दल ऑटोचालक सुभाष समरीत यांचा मा. पोलिस निरीक्षक सुनंदा देशमुख मॅडम यांच्या हस्ते पुष्पगुच्छ देऊन सत्कार करण्यात आला.
ऑटो चालक : सुभाष समरीत
HC/722 : विनोद अवझे
होमगार्ड/4218 : विशाल जाधव
