कळमनुरी तालुक्यातील वाकोडी येथील घटना
कळमनुरी : तालुक्यातील वाकोडी शिवारात झन्ना-मन्ना जुगारावर पोलिसांनी छापा मारून पाच जणांवर गुन्हा दाखल केला असून, १ लाख २ हजार ९०० रुपयांचा मुद्देमाल जप्त केला.
२१ ऑगस्ट रोजी वाकोडी गावाबाहेर गजानन अंभोरे यांच्या शेतालगत झन्ना-मन्ना जुगार सुरू असल्याची माहिती परिविक्षाधीन पोलीस उपअधीक्षक मयुर रसाळ यांना मिळाल्याने त्यांनी पथकाला घटनास्थळी रवाना केले.
मारलेल्या छाप्यात चार मोबाईलसह एक मोटारसायकल व नगदी रक्कम असा एकूण १ लाख २ हजार ९०० रुपयांचा मुद्देमाल जप्त केला.
कळमनुरी पोलीस ठाण्यात पोउपनि मदन गव्हाणे यांनी दिलेल्या फिर्यादीवरून शेषराव पोमाजी धोस, गणेश शामराव खांबाळकर, माधव भीमराव पोटफाडे, श्रीचरण रमेशराव ढोले, सुनील तानाजी सोनुलकर, सर्व रा. वाकोडी, ता. कळमनुरी, यांच्यावर गुन्हा दाखल करण्यात आला.
पुढील तपास पोउपनि मदन गव्हाणे हे करीत आहेत.
