कोंडा सुष्मिता पटेल यांच्या वक्तव्याने तेलंगणा काँग्रेसमध्ये खळबळ; कोंडा सुरेखा यांच्यावर कारवाईची मागणी
तेलंगणा (Konda Sushmita Patel) : तेलंगणातील सत्ताधारी काँग्रेसमध्ये अंतर्गत वाद पुन्हा एकदा चव्हाट्यावर आला आहे. मुख्यमंत्री ए. रेवंत रेड्डी (CM A. Revanth Reddy) यांनी राज्यमंत्री कोंडा सुरेखा यांना मंत्रिमंडळातून हटवण्याचा निर्णय घेतल्याची माहिती समोर आली आहे. यासंदर्भातील प्रस्ताव राज्यपाल शिव प्रताप शुक्ला यांच्याकडे पाठवण्यात आल्याचे सांगितले जात आहे. या वादाची सुरुवात कोंडा सुरेखा (Minister Konda Surekha) यांच्या कन्या कोंडा सुष्मिता पटेल (Konda Sushmita Patel) यांच्या कथित वादग्रस्त वक्तव्यामुळे झाल्याचे समोर आले आहे. सुष्मिता पटेल यांनी मुख्यमंत्री रेवंत रेड्डी यांच्यासह काही काँग्रेस नेत्यांच्या भूमिकेवर प्रश्न उपस्थित केले होते. विशेषतः परकाल विधानसभा मतदारसंघातील मुख्यमंत्र्यांच्या भूमिकेबाबत त्यांनी नाराजी व्यक्त केली.
‘परकाल कोंडा कुटुंबाचा मतदारसंघ’
सुष्मिता पटेल (Konda Sushmita Patel) यांनी परकाल हा कोंडा कुटुंबाचा मतदारसंघ असल्याचा दावा करत, अशा परिस्थितीत मुख्यमंत्री विद्यमान आमदाराला पाठिंबा का देतील, असा सवाल उपस्थित केला. त्यांच्या या वक्तव्यामुळे काँग्रेसमध्ये नाराजी पसरली आणि पक्षातील काही आमदारांनी कोंडा सुरेखा (Minister Konda Surekha) यांच्यावर कारवाई करण्याची मागणी केली.
शिस्तपालन समितीची नोटीस
या (Konda Sushmita Patel) प्रकरणाची गंभीर दखल घेत काँग्रेसच्या शिस्तपालन समितीने कोंडा सुरेखा (Minister Konda Surekha) यांच्याकडून स्पष्टीकरण मागितले. मात्र, सुरेखा यांनी समितीच्या नोटीसवरच आक्षेप घेतला. “माझ्या मुलीने तिची स्वतःची मते व्यक्त केली आहेत. तिच्या राजकीय वक्तव्यांसाठी मला जबाबदार धरता येणार नाही,” अशी भूमिका कोंडा सुरेखा यांनी घेतल्याचे वृत्त आहे. दरम्यान, या संपूर्ण प्रकरणामुळे तेलंगणा काँग्रेसमधील अंतर्गत मतभेद अधिक तीव्र झाल्याचे चित्र असून, कोंडा सुरेखा यांच्याबाबत अंतिम निर्णय काय होतो, याकडे राजकीय वर्तुळाचे लक्ष लागले आहे.
