दोघांचा मृत्यू, दोघे जखमी
उमरगा (Naldurg Fort Woman Suicide) : तुळजापूर तालुक्यातील नळदुर्ग येथील ऐतिहासिक भुईकोट किल्ल्यातील उपळी बुरुजावरून गुरुवारी (३ सप्टेंबर) दुपारी सुमारे तीन वाजण्याच्या सुमारास एका महिलेने आपल्या तीन मुलांसह उडी घेतल्याची दुर्दैवी घटना घडली. या (Naldurg Fort Woman Suicide) घटनेत महिलेचा आणि तिच्या एका मुलाचा मृत्यू झाला असून दोन मुली गंभीर जखमी झाल्या आहेत. अश्विनी मोहिते (रा. व्हंताळ, ता. उमरगा; सासर अंबुलगा, ता. निलंगा) असे या महिलेचे नाव असल्याची प्राथमिक माहिती आहे. अश्विनी मोहिते या शालेय जीवनापासूनच कुस्ती स्पर्धांमध्ये अव्वल ठरणाऱ्या खेळाडू म्हणून परिचित होत्या.
प्राथमिक माहितीनुसार, त्यांनी आपल्या एका मुलाला प्रथम बुरुजावरून खाली ढकलले आणि त्यानंतर स्वतः उडी घेतली. त्यांच्यासोबत दोन मुलींनीही उडी घेतली. या (Naldurg Fort Woman Suicide) घटनेत महिलेचा आणि मुलाचा मृत्यू झाला, तर दोन्ही मुली गंभीर जखमी झाल्या आहेत. जखमी मुलींना तातडीने धाराशिव येथील जिल्हा शासकीय रुग्णालयात उपचारासाठी दाखल करण्यात आले आहे. या घटनेमुळे व्हंताळ आणि अंबुलगा परिसरात हळहळ व्यक्त होत आहे. घटनेमागील नेमके कारण अद्याप स्पष्ट झालेले नसून, नळदुर्ग पोलिसांकडून पुढील तपास सुरू आहे.
