परभणीच्या मानवत तालुक्यातील रुढी पाटीजवळील जिनिंग जवळ घडली घटना
मालवाहू ट्रक चालक वाहनासह पसार....!
परभणी/ मानवत () : परभणीतील मानवत-पाथरी राष्ट्रीय महामार्ग ६१ मार्गावरील रुढी पाटीजवळ मंगळवारी सायंकाळी ६ ते ६.३० दरम्यान एका भरधाव मालवाहू ट्रकने दुचाकीला समोरासमोर जोरदार धडक दिल्याने दुचाकीस्वाराचा जागीच मृत्यू झाल्याची दुर्दैवी घटना घडली. या (National Highway Accidents) अपघातील ट्रक चालक मात्र आपल्या वाहनासह प्रसार झाला असून या घटनेने परिसरात हळहळ व्यक्त होत आहे.
पाथरी येथील मृत दुचाकीस्वाराचे नाव स्वप्निल लक्ष्मीकांत मानवतकर (वय ४८ ) असे असून ते पाथरी येथील प्रसिद्ध वैद्यकीय व्यावसायिक डॉ. लक्ष्मीकांत मानवतकर यांचे चिरंजीव आहेत स्वप्निल मानवतकर हे आपल्या एम.एच.२२ बी १६६२ या क्रमांकाच्या दुचाकीवरून परभणी हून पाथरीकडे जात असताना राष्ट्रीय महामार्ग ६१ वरील रूढी पाटीजवळी एका जिनिंग जवळ भरधाव वेगातील मानवत हून परभणी जाणाऱ्या एम.एच.१२ एन.एक्स.१७८९ या मालवाहू ट्रकने त्यांच्या दुचाकीला जोरदार धडक दिली.
अपघात (National Highway Accidents) इतका भीषण होता की, स्वप्निल मानवतकर यांचा जागीच मृत्यू झाला या अपघातानंतर संबंधित मालवाहू ट्रक चालक वाहनासह घटनास्थळावरून पसार झाला दरम्यान प्रत्यक्षदर्शींनी ट्रकचा पाठलाग करण्याचा प्रयत्न केला, मात्र ट्रक भरधाव वेगाने निघून गेला असल्याचे सांगितले घटनास्थळी उपस्थित नागरिकांनी तत्काळ स्वप्निल मानवतकर यांना उपचारासाठी मानवत ग्रामीण रुग्णालयात दाखल केले. मात्र, वैद्यकीय अधिकाऱ्यांनी तपासणीअंती त्यांना मृत घोषित केले.असून फरार ट्रक चालकाचा शोध घेण्याचे काम सुरू असल्याची माहिती मानवत पोलीस कडून मिळत आहे
