पातूर (Patur Yatra Utsav) : पातूर शहरात आगामी संत श्री सिदाजी महाराज यात्रा उत्सव आणि शाह बाबू संडल उर्स मिरवणूक शांततापूर्ण व सुव्यवस्थित वातावरणात पार पाडण्यासाठी प्रशासकीय स्तरावर तयारी सुरू झाली आहे. या अनुषंगाने पातूर पोलीस स्टेशन येथे पोलीस निरीक्षक हनुमंत डोपेवाड यांच्या मार्गदर्शनाखाली २७ मार्च रोजी सायंकाळी ७ वाजता शांती समितीची महत्त्वाची बैठक पार पडली.
या (Patur Yatra Utsav) बैठकीला प्रमुख उपस्थिती म्हणून पातूरचे तहसीलदार डॉ. राहुल वानखेडे लाभले होते. आगामी सण-उत्सवांच्या काळात शहरात कायदा व सुव्यवस्था कायम राखण्यासाठी आणि नागरिकांना कोणत्याही अडचणी येऊ नयेत यासाठी या बैठकीत विस्तृत चर्चा करण्यात आली.
महत्त्वाच्या विषयांवर चर्चा
बैठकी दरम्यान प्रामुख्याने खालील मुद्द्यांवर भर देण्यात आला:
* सुरक्षा व्यवस्था: गर्दीच्या ठिकाणी चोख पोलीस बंदोबस्त तैनात करणे.
* मूलभूत सुविधा: अखंडित वीज पुरवठा, शुद्ध पाणी व्यवस्था आणि आरोग्य सुविधा पुरवणे.
* वाहतूक नियोजन: मिरवणुकीच्या मार्गावर वाहतुकीची कोंडी होऊ नये म्हणून पर्यायी मार्गांचे नियोजन.
या बैठकीला विद्युत विभाग, पातूर नगर परिषद आणि शिर्ला ग्रामपंचायतचे अधिकारी उपस्थित होते.
मान्यवरांची उपस्थिती
या (Patur Yatra Utsav) प्रसंगी शांती समितीचे सदस्य, पातूरचे प्रतिष्ठित नागरिक, श्री सिदाजी महाराज मंदिर समितीचे सदस्य आणि शाह बाबू दर्गाह समितीचे सदस्य उपस्थित होते. यामध्ये प्रामुख्याने पत्रकार बंधू, अ. कय्यूम सौदागर, इद्दू पैलवान, महादेवराव गणेशे, राजू उगले, मुख्तार सर, सुरेश पाटील, इरफान जागीरदार, गुड्डू पैलवान, रमेश कालपांडे, शेरू भाई यांच्यासह मोठ्या संख्येने नागरिक उपस्थित होते. प्रशासनातर्फे सर्व धर्मीय बांधवांना हे उत्सव गुण्यागोविंदाने आणि शांततेत साजरे करण्याचे आवाहन करण्यात आले आहे.
