२ कोटी ५८ लाखाची फसवणूक सोनपेठचे तत्कालीन मुख्याधिकारी व इतरांवर गुन्हा...!
परभणी (Parbhani Gharkul Subsidy) : सोनपेठ तालुक्यात लाभार्थ्यांना देय असलेली घरकुल अनुदानाची रक्कम लाभार्थ्यां व्यतिरिक्त इतर खात्यावर अनियमितपणे वर्ग करत २ कोटी ५८ लाख रूपयाचा अपहार करण्यात आला. या प्रकरणी सोनपेठ नपचे तत्कालीन मुख्याधिकारी व इतरांवर २ जुलै रोजी सोनपेठ पोलिस ठाण्यात गुन्हा दाखल करण्यात आला आहे.
म्हाडातील दक्षता व सुरक्षा विभागामधील सहाय्यक पोलिस निरिक्षक महेश विष्णू चव्हाण यांनी फिर्याद दिली आहे. (Parbhani Gharkul Subsidy) प्रधानमंत्री आवास योजने अंतर्गत लाभार्थ्यांसाठी अनुदान रक्कम मिळाली होती. म्हाडाने या रक्कमेबाबत स्थानिक स्वराज्य संस्थेला निधी ताळमेळ करण्या करीता बोलावले होते. १० नोव्हेंबर २०२२ ते १ जुलै २०२५ या कालावधीतील बँक स्टेटमेंटची पाहणी केली असता घरकुल योजने अंतर्गत २ कोटी ५८ लाख इतका निधी लाभार्थ्यांना देय असतांना सदरचा निधी लाभार्थ्यां व्यतिरिक्त इतर खात्यावर अनियमितपणे वर्ग करण्यात आला.
वित्त नियंत्रक म्हाडा यांनी मुख्याधिकारी नगरपरिषद सोनपेठ यांना सदर निधी म्हाडाकडे परत करण्याबाबत कळविले. मात्र (Parbhani Gharkul Subsidy) नगर परिषदेने उत्तर दिले नाही. शासन निधीचा अपहार करत फसवणूक केल्या प्रकरणी तत्कालीन मुख्याधिकारी व इतरांवर सोनपेठ पोलिस ठाण्यात गुन्हा नोंदविण्यात आला आहे. तपास पोनि. अशोक गिते करत आहेत.
