अपघातात माता - पुत्रासह आत्याचा दुर्देवी मृत्यू; हदगाव ते तामसा मार्गावरील घटना
नांदेड (Nanded Accident) : नांदेड जिल्ह्यातील हदगाव तालुक्यात हदगाव ते तामसा मार्गावर 22 एप्रिल रोजी रात्री साडेआठ वाजताच्या सुमारास भीषण अपघात घडला. यामध्ये कार व मोटरसायकलची धडक बसल्याने या अपघातात एकाच कुटुंबातील हदगाव तालुक्यातील निवघा बाजार येथील रहिवासी रेखाबाई भाऊराव नरवाडे वय ४५ वर्ष त्यांचा पुत्र यशवंत भाऊराव नरवाडे वय वीस वर्ष व आत्या अनुसया बालाजी लोणारे वय 35 वर्ष राहणार दरेगाव वाडी तालुका मुदखेड यांचा दुर्दैवी मृत्यू झाला. सदर घटनेची माहिती मिळताच पोलिसांनी घटनास्थळी जाऊन घटनेचा पंचनामा केला. याप्रकरणी वृत्त लिहीपर्यंत गुन्हा दाखल करण्याची प्रक्रिया सुरू असल्याची माहिती पोलिसांनी दिली.
