शक्तीपीठ महामार्गाला शेतकऱ्यांचा विरोध वाढतो; मोजणीस आलेल्या पथकाला पाठवले परत

आखाडा बाळापूर (Shaktipeeth Expressway) : हिंगोली जिल्ह्यातून जाणाऱ्या शक्तीपीठ महामार्गाला कळमनुरी तालुक्यातील शेतकऱ्यांतून प्रखर विरोध होत आहे. आज प्रस्तावित शक्तीपीठ महामार्ग जाणाऱ्या टव्हा भागात  ग्राम महसूल अधिकारी यु.एस.पत्की,एम.पी.खंदारे,एस.मोधे  पथक मोजणी करता आले असता संतप्त शेतकऱ्यांनी शक्तीपीठ महामार्गाला विरोध करत मोजणीस आलेल्या पथकाला गाव प्रवेश कमानी पासून परत पाठविले.

शेतकऱ्यांबरोबर वयोवृद्ध महिला शेतकऱ्यांनी पिढ्यांन पिढ्या शेती करणारे अल्पभूधारक शेतकऱ्यांनी जमिनी गेल्यावर लेकरा बाळांनी खायाचे काय ॽ पैसा कीती दिवस पुरणार? असा सवाल करत एक इंच जमीनही देणार नाही असा निर्धार केला.

प्रस्तावित शक्तीपीठ महामार्गाला (Shaktipeeth Expressway) शेतकऱ्यांचा विरोध वरचेवर वाढत आहे चार पाच दिवसांपूर्वी बऊर,कांडली भागात कंपनी अधिकारी कर्मचारी बरोबर महसूल विभाग, भुमि अभिलेख कर्मचारी मोजणी करता आले होते यावेळी शेतकरी मोठ्या प्रमाणात जमा झाले त्यांनी मोजणीस प्रखर विरोध दर्शविला व आलेल्या अधिकारी कर्मचारी यांना धारेवर धरले सदर बाब शेतकऱ्यांनी आ.संतोष बांगर यांना सांगितल्यावर ते तात्काळ घटनास्थळी आले त्यांनी मोजणी आलेल्या पथकाला मोजणी थांबवून परत जाण्यास सांगितले यावेळी शक्तीपीठ महामार्गात जमीन जाणाऱ्या विविध भागातील शेतकरी मोठ्या प्रमाणात जमा झाले होते.

यानंतर सोमवारी टव्हा भागात शक्तीपीठ महामार्ग मोजणीसाठी आलेल्या पथकाला शेतकऱ्यांनी या महामार्गाला आपला विरोध दर्शविला व जमीन देणार नाही म्हणून आले तसे परत पाठविले. यावेळी घटनास्थळी सहाय्यक पोलीस निरीक्षक ज्ञानेश्वर बसवंते, पोलिस उपनिरीक्षक बालाजी गोणारकर,बिट प्रमुख सुनील रिठे, सिताराम मस्के, प्रशांत शिंदे, अतुल मस्के,पिराजी बेले, बालाजी जाधव,  अमित जाधव, परमेश्वर सरकटे,बंडू राठोड,धाबे ,सागर वाढोणकर, गणपत काळे,पोलिस पथक कर्मचारी यावेळी उपस्थित होते.