हट्टा येथे शक्तीपीठ महामार्ग रद्द करण्यासाठी एल्गार परिषद
हट्टा (Shaktipeeth Expressway) : येथे शक्तीपीठ महामार्ग रद्द करण्यासाठी १७ ऑगस्ट सोमवार रोजी एल्गार परिषदेचे आयोजन करण्यात आले होते. माजी खासदार तथा स्वाभीमानी शेतकरी संघटनेचे अध्यक्ष राजू शेट्टी यांच्या उपस्थितीत हा कार्यक्रम झाला. येथील ग्रामदैवत हट्टकेश्वराचे दर्शन घेऊन राजु शेट्टी ढोल ताशांच्या गजरात सभास्थळी दाखल झाले. यावेळी त्यांनी शक्तीपीठ महामार्ग करण्या ऐवजी जुन्याच रस्त्यांचे रुंदीकरण करा, शेतकऱ्यांची कर्जमाफी करा असे सांगितले. शक्तीपीठ महामार्गाचे भुत गाडुन टाकायचे आहे असे त्यांनी सांगितले.
यावेळी गिरीश फोंडे, काॅ. राजन क्षीरसागर, माधुरी क्षीरसागर, अजय मुंदडा, संदीय माटेगावकर, तानाजी भोसले, अभिषेक देशमुख, ज्ञानेश्वर छिद्रावार, हनुमंत राजेगोरे, सतीष कुलकर्णी, कदम, प्रकाश पाटील, पुष्पक देशमूख, किशोर ढगे, संदेश देशमूख, यश पांढरीकर, जुनेद भाई, विठ्ठल पाटील आदींची उपास्थिती होती. कार्यक्रमासाठी सरपंच दिपक हातागळे, लक्ष्मीकांत देशमुख, बालासाहेब बाराहाते, किरण देशमुख, पवन देशमुख आदींनी पुढाकार घेतला.
