शेतकऱ्याचे नुकसान

महाराष्ट्रात विद्युत तारेमुळे शेतात आग, शेतकरीचे मोठे नुकसान

महाराष्ट्रातील सेनगाव येथे शेतकरी रामजी ग्यानबा इंगळे यांच्या शेतात विद्युत तारेमुळे आग लागून त्यांचे सव्वा लाख रुपयांचे नुकसान झाले.

By : देशोन्नती वृत्तसंकलन » • March 17, 2026 07:06:17 PM

महाराष्ट्रात विद्युत तारेमुळे शेतात आग, शेतकरीचे मोठे नुकसान

सेनगाव : सेनगाव तालुक्यातील सिनगी नागा येथील शेतकरी रामजी ग्यानबा इंगळे यांच्या शेतात सोमवारी (दि. १६) दुपारी सुमारे ३ वाजण्याच्या सुमारास तुटलेल्या विद्युत तारेमुळे झालेल्या शॉर्टसर्किटमुळे भीषण आग लागली. या आगीत इंगळे यांचे सुमारे सव्वा लाख रुपयांचे मोठे आर्थिक नुकसान झाले असून संपूर्ण परिसरात हळहळ व्यक्त होत आहे.
इंगळे यांच्या शिवारातील गट क्रमांक १९८ मध्ये अचानक लागलेल्या आगीने काही क्षणांतच रौद्ररूप धारण केले. उभे असलेले गव्हाचे पीक आगीच्या भक्ष्यस्थानी सापडून पूर्णपणे जळून खाक झाले. तसेच शेतातील पाइपलाइनसह विविध शेती साहित्यही आगीत भस्मसात झाले.

या दुर्दैवी घटनेत इंगळे यांचा एक बैल गंभीररित्या भाजला असून त्याची प्रकृती चिंताजनक असल्याची माहिती मिळाली आहे. त्यामुळे आधीच आर्थिक अडचणीत असलेल्या शेतकऱ्यावर आणखी संकट कोसळले आहे. दरम्यान, आग लागल्याची माहिती मिळताच परिसरातील शेतकऱ्यांनी तत्काळ घटनास्थळी धाव घेत शर्थीचे प्रयत्न करून आग आटोक्यात आणली. त्यांच्या धाडसामुळे संभाव्य मोठा अनर्थ टळला.

एकीकडे निसर्गाच्या अवकृपेने त्रस्त असलेला शेतकरी, तर दुसरीकडे शेतीमालाला अपेक्षित भाव न मिळाल्याने आर्थिक कोंडीत सापडलेला असताना अशा आगीच्या घटनांनी शेतकऱ्यांचे कंबरडे मोडत आहे. या पार्श्वभूमीवर संबंधित विभागाने तात्काळ पंचनामा करून नुकसानग्रस्त शेतकऱ्यास त्वरित आर्थिक मदत द्यावी, अशी मागणी ग्रामस्थांकडून जोर धरत आहे.

टैग्स: fire Maharashtra farmer electrical wire loss Senagav

महाराष्ट्रात विद्युत तारेमुळे शेतात आग, शेतकरीचे मोठे नुकसान

संबंधित सामग्री

मोदींशी १ तास भेट, अर्धा तास दुष्काळावर चर्चा; एकनाथ शिंदेंचा मोठा खुलासा

फलटणमध्ये भोंदूबाबाचा धक्कादायक प्रकार; भूत काढण्याच्या बहाण्याने अल्पवयीन मुलीवर अत्याचार, आरोपी अटकेत

फटाक्यांच्या स्फोटातील गंभीर जखमी अग्निशमन दलातील कर्मचार्‍याचा उपचारा दरम्यान मृत्यू

FDAच्या कारवाईने ‘सूरज लामा मोमोज’ चर्चेत; कधीकाळी सेलिब्रिटींचे ड्रायव्हर होते मालक

Trending Stories

हृदय उजव्या बाजूला… दिल्लीत दुर्मिळ आणि यशस्वी शस्त्रक्रिया

स्वातंत्र्यदिनी भीषण अपघात; तीन विद्यार्थिनींचा दुर्दैवी मृत्यू, हिंगणघाट शहरात शोककळा

मुख्यमंत्री, केंद्रीय मंत्री व राज्य मंत्र्यांच्या उपस्थितीत आज दत्ताजी मेघे यांच्यावर अंत्यसंस्कार

केंद्रीय कर्मचाऱ्यांना पुन्हा DA वाढीची प्रतीक्षा; दिवाळीआधी ३ ते ४ टक्के महागाई भत्ता वाढण्याची शक्यता

महाराष्ट्र सरकारचा मोठा निर्णय...आता लग्नाच्या पत्रिकांवर वधू-वर यांची जन्मतारीख छापणे बंधनकारक

'थलपथी' विजयला मिळाले बहुमत; मुख्यमंत्रीपदाचा मार्ग मोकळा!