कळमनुरीत  ईद-ए-मिलादुन्नबी उत्साहात साजरी; भव्य जुलूस कार्यक्रमात हजारो सहभागी 

कळमनुरी (Kalmanuri Eid-e-Miladunnabi) : ईद मिलाद निमित्त शहरात मुस्लिम समाजाच्या वतीने आज 26 ऑगस्ट रोजी भव्य मिरवणूक काढीत व विविध धार्मिक कार्यक्रम घेत मुस्लिम बांधवांनी ईद-ए-मिलादुन्नबी उत्साहात साजरी करण्यात आली. ईद ए मिलाद निमित्त दरवर्षी शहरात मुस्लिम समाजाच्या वतीने भव्य मिरवणूक व विविध कार्यक्रम चे आयोजन करण्यात आले होते.
 
आज सकाळी  जुलुसे मोहम्मदी रजा मैदान वरून निघाला व शहरातील मुख्य मिरवणूक मार्गावरून मार्गक्रमण करीत रजा मैदान वर पोहचला. या मिरवणुकीत हजारो मुस्लीम बांधव व लहान मुले, मुली सहभागी होत अत्यंत शिस्तीने प्रेषित मोहंमद पैगंबर यांचा जयघोष करीत, नात पठण करीत होते. तर (Kalmanuri Eid-e-Miladunnabi) मिरवणुकीत विविध धार्मिक देखावे ही लक्ष वेधून घेत होते. मिरवणूक निमित्त अवघ्या शहरात कमानी, पताके व विद्युत रोषणाई ने सजविण्यात आले होते. तर मिरवणूक दरम्यान ठिकठिकाणी मिष्टान्न चे पॉकेट पाण्याचे बॉटल आदी चे वाटप करण्यात आले होते. मिरवणुकीची सांगता रजा मैदानावर इस्लामिक ध्वज फडकावून करण्यात आली. यावेळी सामूहिक प्रार्थना करण्यात आली व देशात शांतता एकता साठी ही प्रार्थना करण्यात आली. तर या नंतर खीर व खिचडी चे लंगर ची व्यवस्था  रजा मैदान   व बागबान   मोहल्ला  भागात करण्यात आले होते.
 
यावेळी सिरत कमिटी चे अध्यक्ष अफजल रहमान, तस्सवर रजवी, आबेद नाईक, अय्युब खान, शेख मुखतार, वहिद पठाण, नविद पठाण, शेख मुखतार, शाहरुख रजवी,साजेद रजा, गफ्फार कुरेशी सह  मौलाना करिमोद्दीन,मौलाना शाकेर रजा, मौलाना मंजूर अहमद, हाफीज राशीद खान अय्युब बरकाती,शफिक रजा, हाफीज तोफिक बागबान, हाफीज हनिफ रजा, हाफीज गुलाम यासिन, हाफीज अस्लम, आदी ची उपस्थिती होती. मिरवणूक दरम्यान स पो उप अधीक्षक मयूर रसाळ, पोलिस निरीक्षक जमीर नाईक ,  प्रेमप्रकाश माकोडे, सहाय्यक पोलीस निरीक्षक विकास आडे,पोलिस  कर्मचारी दिलीप पोले, गजानन होळकर,, विलास बांगर आदींसह पोलीस कर्मचाऱ्यांनी चोख बंदोबस्त ठेवला होता.