२८ गुणांसह नीरू ढांडा ठरली आशियाई स्पर्धेतील महिलांच्या वैयक्तिक ट्रॅपमध्ये सुवर्ण जिंकणारी पहिली भारतीय महिला शूटर
एशियन गेम्स 2026 मध्ये भारताच्या पदकतालिकेत आणखी एका सुवर्णपदकाची भर पडली आहे. मंगळवार, २९ सप्टेंबर रोजी नेमबाजीमध्ये नीरू ढांडाने महिलांच्या इंडिव्हिज्युअल ट्रॅप प्रकारात सुवर्णपदक पटकावत ऐतिहासिक कामगिरी केली. या विजयासह एशियन गेम्समध्ये वैयक्तिक ट्रॅप प्रकारात सुवर्ण जिंकणारी नीरू ही पहिली भारतीय महिला शूटर ठरली. तिच्या कामगिरीमुळे भारताच्या सुवर्णपदकांची संख्या पाचवर पोहोचली आहे.
नीरूने स्पर्धेच्या पात्रता फेरीतच आपली ताकद दाखवून दिली होती. तिने १२५ पैकी ११८ हिट्सची नोंद करत अव्वल स्थान मिळवले आणि आठ नेमबाजांच्या अंतिम फेरीत प्रवेश केला. तिच्या ११८ गुणांच्या कामगिरीने एशियन गेम्समधील पात्रता फेरीतील विक्रमाची बरोबरी केली.
From aiming at tin cans in Haryana to hitting the bullseye of history at the Asian Games, Subedar Neeru Dhanda’s journey is the stuff of inspiration! 🇮🇳🥇
— Smriti Z Irani (@smritiirani) September 29, 2026
Becoming the first Indian woman to win an individual #AsianGames2026 Gold in Trap shooting, while also securing a Team… pic.twitter.com/bsdVXat4YU
अंतिम फेरीत नीरूने सातत्यपूर्ण कामगिरी कायम ठेवत २८ गुण मिळवले आणि सुवर्णपदकावर आपले नाव कोरले. चीनची सन युनोंग २६ गुणांसह दुसऱ्या क्रमांकावर राहिली, तर कुवेतच्या हजर अब्दुलमलिकने २१ गुण मिळवत कांस्यपदक पटकावले. नीरूच्या २८ गुणांच्या कामगिरीने यापूर्वीचा २४ गुणांचा आशियाई विक्रमही मागे पडला.
या स्पर्धेत भारताच्या आशिमा अहलावत आणि मनीषा कीर यांनीही सहभाग घेतला होता. मात्र, दोघींना अंतिम फेरीत स्थान मिळवता आले नाही. आशिमा १६व्या, तर मनीषा २३व्या क्रमांकावर राहिल्या.
नीरूच्या या सुवर्णपदकाआधीही भारताच्या ट्रॅप संघाने चमकदार कामगिरी केली होती. नीरू ढांडा, आशिमा अहलावत आणि मनीषा कीर यांच्या भारतीय संघाने महिलांच्या ट्रॅप टीम इव्हेंटमध्ये रौप्यपदक मिळवले. भारतीय संघाने एकूण ३२८ गुणांची नोंद केली. चीनने ३४६ गुणांसह सुवर्णपदक, तर कुवेतने ३२५ गुणांसह कांस्यपदक पटकावले.
VIDEO | Japan: Neeru Dhanda on Tuesday scripted history by becoming India's first shooter to win an Asian Games individual gold medal in the women's trap competition with a record-shattering score after leading the country to a team silver in the same event.
— Press Trust of India (@PTI_News) September 29, 2026
Dhanda, who had been… pic.twitter.com/LFz0zP655x
नीरू ढांडासाठी २०२६ हे वर्ष विशेष ठरले आहे. इटलीतील लोनाटो येथे झालेल्या ISSF शॉटगन वर्ल्डकपमध्ये तिने महिलांच्या ट्रॅप प्रकारात सुवर्णपदक जिंकून इतिहास घडवला होता. वर्ल्डकपमध्ये महिलांच्या ट्रॅप प्रकारात सुवर्ण जिंकणारी ती पहिली भारतीय महिला ठरली होती.
एशियन गेम्समधील नीरूच्या सुवर्णकामगिरीमुळे भारतीय महिला नेमबाजीच्या इतिहासात आणखी एक महत्त्वाचे पान जोडले गेले आहे. पुरुषांच्या ट्रॅप प्रकारात रणधीर सिंह यांनी १९७८च्या एशियन गेम्समध्ये भारतासाठी ऐतिहासिक सुवर्णपदक जिंकले होते. त्यानंतर रोंजन सोढी यांनी २०१०च्या एशियन गेम्समध्ये डबल ट्रॅप प्रकारात भारताला वैयक्तिक सुवर्णपदक मिळवून दिले होते. आता नीरू ढांडाने महिलांच्या वैयक्तिक ट्रॅप प्रकारात सुवर्ण जिंकत या यादीत आपले नाव नोंदवले आहे.
