RCB ने रचली आयपीएल 2026 मधील सर्वोच्च धावसंख्या
नवी दिल्ली (IPL 2026) : आयपीएल 2026 च्या एका हाय-व्होल्टेज सामन्यात, रॉयल चॅलेंजर्स बंगळूर (RCB) संघाने चेन्नई सुपर किंग्सविरुद्ध एवढी मोठी धावसंख्या उभारून इतिहास रचला. एम. चिन्नास्वामी स्टेडियमवरील सपाट खेळपट्टीवर नाणेफेक हरल्यानंतर प्रथम फलंदाजी करताना, (RCB) आरसीबीने आपल्या निर्धारित 20 षटकांत केवळ तीन गडी गमावून 250 धावांचा डोंगर उभा केला. (IPL 2026) आयपीएलच्या इतिहासातील आरसीबीची ही तिसरी सर्वोच्च धावसंख्या आहे. (Tim David) टिम डेव्हिडने ओव्हरटनच्या एकाच षटकात 30 धावा ठोकून धुमाकूळ घातला, जी या हंगामातील सर्वोच्च धावसंख्या आहे.
टिम डेव्हिडने (Tim David) मैदानात येताच धुमाकूळ घातला. त्याने अवघ्या 25 चेंडूंमध्ये 70 धावांची झंझावाती खेळी केली, ज्यात तीन चौकार आणि विक्रमी आठ उत्तुंग षटकारांचा समावेश होता, त्यापैकी चार षटकार ओव्हरटनच्या षटकात आले. डेव्हिडच्या 280.00 च्या स्ट्राईक रेटने चेन्नईची डेथ ओव्हर्समधील रणनीती पूर्णपणे उधळून लावली.
टिम डेव्हिडला पाटीदारची साथ
कर्णधार रजत पाटीदारनेही केवळ 19 चेंडूंमध्ये नाबाद 48 धावा करून धावसंख्या 250 पर्यंत नेण्यात महत्त्वाची भूमिका बजावली. (IPL 2026) आयपीएलमधील आरसीबीची (RCB) सर्वोच्च धावसंख्या 263 आहे. सनरायझर्स हैदराबाद 287 धावांसह एकूण धावसंख्येत अव्वल स्थानी आहे.
RCB चे उद्देश्य सुरुवातीपासूनच स्पष्ट होते. फिल सॉल्टने 30 चेंडूंमध्ये 46 धावा करून संघाला वेगवान सुरुवात करून दिली, तर (Virat Kohli) विराट कोहलीने (28) चेन्नईवर दबाव कायम ठेवण्यासाठी आक्रमक पवित्रा कायम ठेवला. तिसऱ्या क्रमांकावर फलंदाजीला आलेल्या देवदत्त पडिक्कलने 29 चेंडूंमध्ये 50 धावांचे शानदार अर्धशतक झळकावून आपला दर्जा दाखवून दिला. पडिक्कलने आपल्या खेळीत 5 चौकार आणि 2 षटकार मारून मधल्या फळीतील फलंदाजांना मुक्तपणे खेळण्यासाठी एक व्यासपीठ उपलब्ध करून दिले.
गोलंदाज धावा नियंत्रित करण्यात अपयशी
आरसीबीच्या फलंदाजांनी (Chennai Super Kings) चेन्नई सुपर किंग्सच्या गोलंदाजांना पूर्णपणे निष्प्रभ केले. शिवम दुबे, अंशुल कंबोज आणि जेमी ओव्हरटन यांनी प्रत्येकी एक बळी मिळवला, पण त्यांना धावगती नियंत्रित करता आली नाही. चेन्नईच्या मुख्य गोलंदाजांचा इकॉनॉमी रेट 12 पेक्षा जास्त होता, यावरून हे स्पष्ट होते की, चिन्नास्वामी स्टेडियमवर गोलंदाजांना संधीच मिळाली नाही.
