नवी दिल्ली (IPL 2026 Shubman Gill) : गुजरात टायटन्सचा कर्णधार शुभमन गिलची (Shubman Gill) बॅट इंडियन प्रीमियर लीग 2026 मध्ये झळकत आहे. आपल्या शानदार फलंदाजीने त्याने या हंगामात वैभव सूर्यवंशीलाही मागे टाकत एक मोठा आणि प्रभावी विक्रम रचला आहे. शुभमन गिल (Shubman Gill) आयपीएल 2026 मध्ये 600 धावांचा टप्पा गाठणारा पहिला फलंदाज ठरला आहे. या प्रभावी कामगिरीमुळे त्याने ऑरेंज कॅपच्या शर्यतीतही अव्वल स्थान पटकावले आहे. चेन्नईविरुद्धच्या सामन्यात अर्धशतक झळकावून त्याने हा टप्पा गाठला.
गिलच्या पाठोपाठ सुदर्शनची कामगिरी
या (IPL 2026) सामन्यातील आपल्या दमदार फलंदाजीने त्याने वैभव सूर्यवंशीला मागे टाकले आहे. वैभव सूर्यवंशीने (Vaibhav Suryavanshi) या हंगामात आतापर्यंत खेळलेल्या 13 सामन्यांमध्ये 579 धावा केल्या आहेत. शुभमन गिलने आपल्या खेळीत वैभवचा विक्रम मोडला. गिलने 50 पेक्षा जास्त सरासरीने या धावा केल्या आहेत. गिलच्या फलंदाजीमुळे गुजरात टायटन्सने या हंगामात प्लेऑफमध्ये आपले स्थान निश्चित केले आहे. (Shubman Gill) गिलचा सलामीचा साथीदार, साई सुदर्शननेही वैभव सूर्यवंशीचा (Vaibhav Suryavanshi) विक्रम मोडला आहे. सुदर्शन या हंगामात 600 धावा पूर्ण करणारा दुसरा खेळाडू ठरला आहे. अर्धशतक पूर्ण करून गिल बाद झाला. त्याने 37 चेंडूंचा सामना करत 3 षटकार आणि 7 चौकारांसह 64 धावा केल्या.
गिल आणि सुदर्शनचा विक्रम
गिल आणि सुदर्शन आयपीएलमध्ये (IPL 2026) सर्वाधिक शतकी भागीदारी करणारी सलामीची जोडी ठरली आहे. सातव्यांदा त्यांनी हा पराक्रम केला आहे. त्यांनी सनरायझर्स हैदराबादच्या अभिषेक शर्मा आणि ट्रॅव्हिस हेड यांना मागे टाकले आहे. इतकेच नाही, तर गिल (Shubman Gill) आणि सुदर्शन यांनी टी-20 मध्ये सर्वाधिक शतकी भागीदारीसाठी कोहली आणि एबी डिव्हिलियर्स यांच्या विक्रमाची बरोबरी केली आहे. दोन्ही जोड्यांच्या नावावर प्रत्येकी 10 शतके आहेत.
