लखनऊ कनिष्ठ न्यायालयाने बजावलेले समन्सही रद्द; कायदेशीर मंजुरी नसल्याचे उत्तर प्रदेश सरकारने सांगितल्यानंतर निर्णय
काँग्रेस नेते राहुल गांधी यांना वीर सावरकरांच्या कथित अपमानाशी संबंधित प्रकरणात सुप्रीम कोर्टाकडून मोठा दिलासा मिळाला आहे. या प्रकरणातील खटला पुढे चालवण्याचा मार्गच आता बंद झाला असून, सर्वोच्च न्यायालयाने लखनऊ येथील कनिष्ठ न्यायालयाकडून राहुल गांधी यांच्याविरोधात बजावण्यात आलेले समन्स रद्द केले आहेत.
वीर सावरकरांच्या अपमानाशी संबंधित या प्रकरणात राहुल गांधी यांच्यावर खटला चालवण्याची मागणी करण्यात आली होती. मात्र, त्यासाठी आवश्यक असलेली कायदेशीर मंजुरी देण्यात आली नसल्याची माहिती उत्तर प्रदेश सरकारकडून न्यायालयाला देण्यात आली.
उत्तर प्रदेश सरकारच्या या भूमिकेनंतर सुप्रीम कोर्टाने संबंधित प्रकरणावर महत्त्वाचा आदेश दिला. न्यायालयाने केवळ कनिष्ठ न्यायालयाचे समन्स रद्द केले नाही, तर या प्रकरणाशी संबंधित खटलाही रद्द केला आहे.
त्यामुळे राहुल गांधी यांना या प्रकरणात मोठा न्यायालयीन दिलासा मिळाला असून, लखनऊ कनिष्ठ न्यायालयातील पुढील कारवाईलाही आता पूर्णविराम मिळाला आहे.
