होम ➤ क्राईम जगत ➤ उमरा फाट्यावर वनविभागाची धडक कारवाई: विनापरवाना सागवान लाकूड वाहतूक करणारा टेम्पो जप्त

वनविभाग कारवाई

उमरा फाट्यावर वनविभागाची धडक कारवाई: विनापरवाना सागवान लाकूड वाहतूक करणारा टेम्पो जप्त

Forest Department action: हिंगोलीतील कळमनुरी येथे विनापरवाना सागवान लाकडाची वाहतूक करणाऱ्या एका टेम्पोवर या कारवाईने अवैध लाकड तस्करीवर वचक बसवला.

By : देशोन्नती वृत्तसंकलन » • April 19, 2026 07:36:29 PM

उमरा फाट्यावर वनविभागाची धडक कारवाई: विनापरवाना सागवान लाकूड वाहतूक करणारा टेम्पो जप्त

Forest Department action

कळमनुरी (Forest Department action) : हिंगोली नांदेड या मुख्य रस्त्यावर कळमनुरी तालुक्यातील उमरा फाटा परिसरात विनापरवाना सागवान लाकडाची वाहतूक करणाऱ्या टेम्पोवर वनविभागाने 19 एप्रिल रोजी धडक कारवाई करत वाहनासह लाकूड जप्त केले. या कारवाईमुळे अवैध लाकूड तस्करी करणाऱ्यांमध्ये खळबळ उडाली आहे. मिळालेल्या माहितीनुसार, एका टेम्पोमधून विनापरवाना सागवान गोल लाकडाची वाहतूक होत असल्याची गुप्त माहिती वन अधिकाऱ्यांना मिळाली होती. या माहितीच्या आधारे सापळा रचून वनपरिमंडळ अधिकारी शिवाजी काळे, वनरक्षक अशोक चव्हाण यांनी १९ एप्रिल रोजी उमरा फाटा येथे टेम्पो क्र. एमएच 29 टी 3171 ला थांबवून तपासणी केली.

तपासणीदरम्यान टेम्पोमध्ये सागवान गोल लाकूड आढळून आले. चालकाकडे या लाकडाच्या वाहतुकीसाठी आवश्यक परवाना मागितला असता तो सादर करता आला नाही. त्यामुळे संबंधित टेम्पोसह सागवान लाकूड तात्काळ जप्त करण्यात आले. वनविभागाच्या प्राथमिक अंदाजानुसार जप्त करण्यात आलेल्या सागवान लाकडाची किंमत सुमारे ५० हजार रुपये आहे.

ही (Forest Department action) कारवाई विभागीय वन अधिकारी राजेंद्र नाळे व सहाय्यक वनसंरक्षक सचिन माने यांच्या मार्गदर्शनाखाली वनपरिमंडळ अधिकारी शिवाजी काळे, वनरक्षक अशोक चव्हाण यांनी केली. पुढील तपास वनविभागाकडून सुरू असून संबंधितांविरुद्ध कायदेशीर कारवाई केली जाणार असल्याची माहिती अधिकाऱ्यांनी दिली आहे.
दरम्यान, या कारवाईमुळे परिसरात अवैध लाकूड वाहतूक करणाऱ्यांवर वचक बसण्याची शक्यता व्यक्त होत आहे.

टैग्स: Teak Wood Illegal Transport Forest Department Seizure Kalamnuri Hingoli

उमरा फाट्यावर वनविभागाची धडक कारवाई: विनापरवाना सागवान लाकूड वाहतूक करणारा टेम्पो जप्त

संबंधित सामग्री

फटाक्यांच्या स्फोटातील गंभीर जखमी अग्निशमन दलातील कर्मचार्‍याचा उपचारा दरम्यान मृत्यू

हिंगोलीतील काळ रात्र: फटाक्यांच्या आगीत दोघांचा बळी

फटाक्यावरील छापेमारीची प्रशासनाला उशिराने आली जाग

हिंगोलीतील लक्ष्मी लाइफ केअर हॉस्पिटल मध्ये आगीतील जखमींवर मोफत उपचार

ठेकेदाराच्या मनमानीचा फटका; कळमनुरीतील तीन भाग आठ दिवसांपासून तहानलेले!

Trending Stories

हृदय उजव्या बाजूला… दिल्लीत दुर्मिळ आणि यशस्वी शस्त्रक्रिया

स्वातंत्र्यदिनी भीषण अपघात; तीन विद्यार्थिनींचा दुर्दैवी मृत्यू, हिंगणघाट शहरात शोककळा

मुख्यमंत्री, केंद्रीय मंत्री व राज्य मंत्र्यांच्या उपस्थितीत आज दत्ताजी मेघे यांच्यावर अंत्यसंस्कार

केंद्रीय कर्मचाऱ्यांना पुन्हा DA वाढीची प्रतीक्षा; दिवाळीआधी ३ ते ४ टक्के महागाई भत्ता वाढण्याची शक्यता

महाराष्ट्र सरकारचा मोठा निर्णय...आता लग्नाच्या पत्रिकांवर वधू-वर यांची जन्मतारीख छापणे बंधनकारक

'थलपथी' विजयला मिळाले बहुमत; मुख्यमंत्रीपदाचा मार्ग मोकळा!