औंढा नागनाथ (Anjanwadi Girl Suicide) : तालुक्यातील अंजनवाडी येथे तरुणीने घरात कोणीही नसताना घरातील पत्राखालील लोखंडी पाईपला गळफास घेऊन आत्महत्या केल्याची घटना घडली आहे. याप्रकरणी औंढा नागनाथ पोलीस ठाण्यात १४ जून रोजी (Anjanwadi Girl Suicide) आकस्मात मृत्यूची नोंद घेण्यात आली.
पोलिसांनी दिलेल्या माहितीनुसार औंढा नागनाथ तालुक्यातील अंजनवाडी येथे आरती शांतीराम घनसावंत (१७) वर्षे ही तरुणी तिच्या कुटुंबीयासह राहत होती. आई,वडील शेतात काम करीत असून आरती शिक्षण घेत होती. बारावीची परीक्षा देऊन ६७ टक्के गूण घेत ती उत्तीर्ण झाली होती. मात्र आई कामाच्या निमित्ताने शेजारच्या घरी गेली होती. यावेळी घरी कोणीही नसल्याचे लक्षात येताच आरतीने घरातील स्वयंपाक घरात तीन पत्राच्या खालील लोखंडी पाईपला गळफास घेतला. काही वेळात हा प्रकार घरासमोरून जाणार्‍या शेजारच्या महिलेच्या लक्षात आल्यानंतर त्यांनी आरडाओरड केली.
यावेळी आजूबाजूचे नागरिक जमा झाले त्यांनी तातडीने आरती हिला खाली काढून उपचारासाठी दाखल केले मात्र वैद्यकीय अधिकार्‍यांनी तपासून तिचा मृत्यू झाल्याची जाहीर केले. घटनास्थळी पोलीस निरीक्षक श्यामकुमार डोंगरे, सहाय्यक पोलीस निरीक्षक कैलास भगत, जमादार दिलीप नाईक, राजेश ठाकूर, संदीप चंद्रशेखर यांच्या पथकाने भेट देऊन पाहणी केली. याप्रकरणी शांती राम घनसावंत यांच्या खबरीवरून (Anjanwadi Girl Suicide) औंढा नागनाथ पोलीस ठाण्यात आकस्मात मृत्यूची नोंद घेण्यात आली आहे. मयत आरतीने आत्महत्या का केली याचे कारण अद्याप स्पष्ट असल्याचे पोलिसांनी सांगितले जमादार ठाकूर पुढील तपास करीत आहेत.
