कौसडी येथील घटना; पोलीस पोलीस ठाण्यात अकस्मात मृत्युची नोंद
बोरी (Youth suicide) : बेरोजगारीला कंटाळून एका तरुणाने गळफास घेत आपले जीवन संपविले. ही घटना १६ मे रोजी सकाळी आठच्या सुमारास कौसडी येथे उघडकीस आली. सदर प्रकरणी १७ मे रोजी बोरी पोलिसात अकस्मात मृत्युची नोंद करण्यात आली आहे. सुदाम ढोले यांनी खबर दिली आहे. बाबुराव सुदाम ढोले वय २२ वर्ष, असे मयताचे नाव आहे. संबंधित युवकाने बेरोजगारीला कंटाळून मद्य प्राशन करत घराच्या खोलीतील पत्राखाली असलेल्या एंगलला साडीने गळफास घेतला. ही (Youth suicide) घटना १४ मे च्या रात्री अकरा ते १६ मे च्या सकाळी आठ या दरम्यान घडली. प्रकरणाचा तपास पोह. जटाळ करत आहेत.
मुलांना भेटण्यासाठी जाणार्‍या इसमाचा मृत्यू
परभणी : मुलांना भेटण्यासाठी मुळगावी जात असलेल्या एकाचा बसस्थानक परिसरात मृत्यू झाला. ही घटना १७ मे रोजी परभणी बसस्थानकात घडली. या प्रकरण कोतवाली पोलिसात अकस्मात मृत्युची नोंद करण्यात आली आहे. चैनलाल नागपुरे यांनी खबर दिली आहे. धुरनमल नागपुरे वय ४० वर्ष, असे मयताचे नाव आहे. प्रकरणाचा तपास पोह. राठोड करत आहेत.
