घोट (Ghot youth attack) : चामोर्शी तालुक्यातील घोट येथे दोन मित्रामध्ये उसने दिलेले पैसे परत मागितल्याच्या कारणावरून वाद होऊन मित्राने मारहाण करण्यात आल्याची घटना घडली असून याप्रकरणी घोट पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, फिर्यादी शैलेश विजय नखाते (वय ३२, रा. घोट) यांनी आरोपी संतोष रघुनाथ राऊत (वय ३०, रा. घोट) यास पूर्वी उसने दिलेले ५० रुपये मागितले होते. याच कारणावरून आरोपीने संतापून फिर्यादीस शिवीगाळ करत हाताने काठीने मारहाण करून गंभीर दुखापत केल्याचे घटना घडली तक्रारीत नमूद करण्यात आले आहे.
ही घटना १८ मे २०२६ रोजी रात्री ९ वाजताच्या सुमारास मौजा घोट येथे घडली.
जखमीवर वैद्यकीय उपचार करण्यात आले असून (Ghot youth attack) वैद्यकीय अहवालाच्या आधारे घोट पोलीस ठाण्यात भारतीय न्याय संहिता २०२३ अंतर्गत कलम ११८(२), ३५२ नुसार गुन्हा दाखल करण्यात आला आहे. सदर आरोपीला चामोर्शी न्यायालयात हजर केले असता आरोपीला दोन दिवसाची पोलीस कोठडी सुनावण्यात आली. सदर प्रकरणाचा पुढील सहाय्यक पोलीस निरीक्षक किशोर शिंदे यांच्या मार्गदर्शनात तपास पोलीस उपनिरीक्षक जया शेळके करीत आहेत.
