ढोलक्याची वाडी ते कळमनुरी रस्त्यावरील धानोरा ज. येथे घडली अपघाताची घटना
हिंगोली (Tractor Bike Accident) : कळमनुरी तालुक्यातील धानोरा जहागिर येथील रस्त्यावर भरधाव ट्रॅक्टर चालकाने मोटार सायकलला धडक दिल्याने एकाचा मृत्यू झाला. या प्रकरणात कळमनुरी पोलिसात ट्रॅक्टर चालकावर गुन्हा दाखल करण्यात आला.
या बाबत पोलिस सुत्रांनी दिलेली माहिती अशी की, कळमनुरी तालुक्यातील ढोलक्याची वाडी येथील ज्ञानेश्वर कोंडबाराव गुहाडे व विशाल रामराव गुहाडे हे २८ मार्च रोजी सकाळच्या सुमारास मोटार सायकल क्रमांक एमएच ३८ एसी ४७०९ यावर बसुन ढोलक्याचीवाडीहून कळमनुरीकडे जात होते. धानोरा जहागिर गावाजवळील रस्त्यावर भरधाव ट्रॅक्टर क्रमांक एमएच ३८ एके ०२२५ च्या चालकाने आपले वाहन निष्काळजीने चालवून मोटार सायकलला समोरून जोराची धडक (Tractor Bike Accident) देऊन ज्ञानेश्वर गुहाडे यांना गंभीर जखमी करून विशाल रामराव गुहाडे (२१) याच्या मृत्यूस कारणीभूत ठरला.
या (Tractor Bike Accident) प्रकरणी कळमनुरी पोलिस ठाण्यात २९ मार्चला ज्ञानेश्वर गुहाडे यांनी दिलेल्या फिर्यादीवरून ट्रॅक्टर चालकावर गुन्हा दाखल करण्यात आला. या प्रकरणाचा पुढील तपास पोलिस निरीक्षक प्रेमप्रकाश माकोडे यांच्या मार्गदर्शनाखाली पोलिस उपनिरीक्षक संतोष इंगळे हे करीत आहेत.
