परभणी : वडिलांच्या अपघाती निधनानंतर नैराश्यात असलेल्या एका वकिलाने राहत्या घरी गळफास घेऊन आत्महत्या केल्याची दुर्दैवी घटना परभणी शहरातील गजानन नगर परिसरात घडली. गुरुवार (२५ जून) रोजी रात्री सुमारे ११ वाजण्याच्या सुमारास ही घटना घडली. या प्रकरणी नवा मोंढा पोलीस ठाण्यात अकस्मात मृत्यूची नोंद करण्यात आली आहे.
याप्रकरणी बळीराम सटवाजी पतंगे यांनी खबर दिली आहे. देवराज नागोराव अन्नपुर्वे असे मृत वकिलाचे नाव आहे.
माहितीनुसार, खबर देणारे बळीराम पतंगे यांचे साडू असलेल्या देवराज अन्नपुर्वे यांच्या वडिलांचे काही दिवसांपूर्वी अपघातात निधन झाले होते. या घटनेनंतर ते नैराश्यात असल्याचे सांगण्यात आले आहे. गुरुवारी रात्री त्यांनी राहत्या घरातील हॉलमध्ये दोरीच्या सहाय्याने पंख्याला गळफास घेऊन आत्महत्या केली.
या प्रकरणी नवा मोंढा पोलीस ठाण्यात अकस्मात मृत्यूची नोंद करण्यात आली असून, पुढील तपास पोलीस हवालदार सचिन बुरसुडकर करीत आहेत.
