नारी शक्ती वंदन विधेयकाला विरोध करणाऱ्या काँग्रेसला धडा शिकवा: शिवाजी मुटकुळे 

हिंगोली (Nari Shakti Vandan Bill) : काँग्रेस पक्षाने नेहमीच महिला सक्षमीकरणात अडथळे आणण्याचे काम केले आहे. या नारी शक्ती वंदन विधेयकाचा विरोध करून काँग्रेसने आपला महिलाविरोधी चेहरा पुन्हा एकदा स्पष्ट केला आहे.महिलांनी आपल्या हक्कांसाठी जागृत होऊन या विधेयकाला विरोध करणाऱ्यांना काँग्रेसला धडा शिकवावा असे आवाहन भाजपा युवा मोर्चाचे जिल्हाध्यक्ष शिवाजी मुटकुळे यांनी केले.

पंतप्रधान नरेंद्र मोदी यांच्या नेतृत्वाखालील केंद्र सरकारने महिलांना संसदेत आणि विधानसभांमध्ये ३३ टक्के आरक्षण देणारा ऐतिहासिक 'नारी शक्ती वंदन अधिनियम' मंजूर केला आहे. मात्र, या विधेयकाला काँग्रेस पक्षाने घेतलेल्या नकारात्मक भूमिकेच्या निषेधार्थ भारतीय जनता युवा मोर्चा, हिंगोली जिल्ह्याच्या वतीने भांडेगाव येथे निदर्शने करण्यात आली.
महिला आरक्षणास (Nari Shakti Vandan Bill) विरोध करून विरोधकांनी आपली महिलांविरोधी मानसिकता उघड केली असून, त्याचा जाहीर निषेध यावेळी करण्यात आला. महिला आरक्षणाला अडथळे निर्माण करणारे पक्ष केवळ एका विधेयकाचा नव्हे, तर संपूर्ण स्त्रीशक्तीचा अपमान करत आहेत. हा अपमान भाजप कदापिही सहन करणार नाही. अशी तीव्र भावना यावेळी महिलांनी बोलताना व्यक्त केली. 

यावेळी भाजपाचे माजी जिल्हाध्यक्ष फुलाजीराव शिंदे, राजामतीताई मुटकुळे, कृष्णा रुहाटिया, मंदाकिनी चव्हाण, वंदना गायकवाड, सिमा गरड, सरस्वती सोळंके, मिनाक्षी जामकर, उत्तमराव जगताप, जिल्हा प्रवक्ता विलास गोरे, संतोष जगताप, आनंदराव जगताप, गणेश शिंदे, बंडू करहाळे, श्रिरंग राठोड, भाऊराव ठाकरे, मधुकर इसाये, संतोष कापसे, भगवान घ्यार, आशिष जैस्वाल यांच्यासह  मोठ्या संख्येने महिला आणि युवती उपस्थित होत्या.आंदोलनादरम्यान काँग्रेस पक्षाच्या विरोधात घोषणाबाजी करण्यात आली.