कुरखेडा तालुक्यातील राणी खेडेगाव येथील घटना; एक विद्यार्थी बचावला, शोध पथकाची कारवाई सुरू
कुरखेडा (गडचिरोली):
कुरखेडा तालुक्यातील राणी खेडेगाव येथे आज, १ ऑगस्ट रोजी दुपारी १२.३० ते १ वाजण्याच्या सुमारास अत्यंत दुर्दैवी घटना घडली. आई-वडील धान रोवणीच्या कामासाठी शेतात गेले असताना, गावातील जिल्हा परिषद प्राथमिक शाळा, खेडेगाव येथील चार विद्यार्थी जवळील सती नदीत आंघोळीसाठी गेले. यावेळी पाण्याचा अंदाज न आल्याने तिघांचा पाण्यात बुडून मृत्यू झाला, तर एक विद्यार्थी सुदैवाने बचावला.
घटनेची माहिती मिळताच शोध पथक तसेच पुराडा पोलीस स्टेशनचे पोलीस कर्मचारी घटनास्थळी दाखल झाले आणि आवश्यक कार्यवाही सुरू करण्यात आली.
या दुर्घटनेत मृत्यू झालेल्या विद्यार्थ्यांची नावे पुढीलप्रमाणे आहेत:
- लक्ष्मण सुन्हेर दूधकवर (वय ६ वर्षे)
- कुणाल रमेश दूधकवर (वय ५ वर्षे)
- मोहित हिवराज सराटे (वय ११ वर्षे)
तिन्ही विद्यार्थी रा. खेडेगाव, ता. कुरखेडा, जि. गडचिरोली येथील रहिवासी असून, जिल्हा परिषद प्राथमिक शाळा, खेडेगाव येथे शिक्षण घेत होते. १ ऑगस्ट २०२६ रोजीदुपारी १२.३० ते १ वाजण्याच्या सुमारास खेडेगाव येथील सती नदीच्या पात्रात बुडून त्यांचा दुर्दैवी मृत्यू झाला. या घटनेमुळे संपूर्ण परिसरात शोककळा पसरली आहे.
