नागभीड : नागभीड तहसील कार्यालयाजवळ मोर्चा पोहोचल्यानंतर मुसळधार पावसाला सुरुवात झाली. मात्र, पावसाची तमा न बाळगता शेतकरी नेते प्रकाश पोहरे यांनी उपस्थित शेतकऱ्यांना संबोधित केले.
मुसळधार पावसात भिजत हजारो शेतकरी पोहरे यांचे भाषण ऐकण्यासाठी ठामपणे उपस्थित राहिले. यावेळी त्यांच्या भाषणाला शेतकऱ्यांकडून जोरदार प्रतिसाद मिळाला. पावसाचा जोर वाढत असतानाही शेतकऱ्यांचा उत्साह कमी झाला नाही. घोषणांनी परिसर दुमदुमून गेला.
शेतकऱ्यांच्या विविध प्रश्नांवर प्रकाश पोहरे यांनी आपल्या भाषणातून भूमिका मांडली. आपल्या मागण्यांसाठी शेतकऱ्यांनी एकजुटीने लढा देण्याचे आवाहन त्यांनी केले. मुसळधार पावसातही हजारो शेतकरी शेवटपर्यंत मैदानात ठाम राहिल्याचे चित्र पाहायला मिळाले.
