ग्रामपंचायत अधिकारी मृत्यू प्रकरण

सुरक्षेच्या कारणास्तव ग्रामसभांच्या कामकाजावर बहिष्काराचे पातूर येथे निवेदन

Gram Panchayat Officer Death Case: जळगाव जिल्ह्यातील पारोळा तालुक्यातील शिवरे येथे ग्रामसभेदरम्यान ग्रामपंचायत अधिकारी पी. एन. पाटील यांच्यासोबत घडलेल्या दुर्दैवी घटनेच्या पार्श्वभूमीवर..

By : देशोन्नती वृत्तसंकलन » • August 21, 2026 03:47:02 PM

सुरक्षेच्या कारणास्तव ग्रामसभांच्या कामकाजावर बहिष्काराचे पातूर येथे निवेदन

Gram Panchayat Officer Death Case

पातूर (Gram Panchayat Officer Death Case) : जळगाव जिल्ह्यातील पारोळा तालुक्यातील शिवरे येथे ग्रामसभेदरम्यान ग्रामपंचायत अधिकारी पी. एन. पाटील यांच्यासोबत घडलेल्या दुर्दैवी घटनेच्या पार्श्वभूमीवर, महाराष्ट्र राज्य ग्रामपंचायत अधिकारी युनियनने (डीएनई-१३६) १८ ऑगस्ट २०२६ पासून ग्रामसभांच्या सचिव पदाच्या कामकाजातून दूर राहण्याचा निर्णय घेतला आहे. यासंदर्भात संघटनेच्या वतीने पातूर पंचायत समितीच्या गट विकास अधिकाऱ्यांना निवेदन देण्यात आले.

ग्रामसभेत काम करणाऱ्या अधिकारी व कर्मचाऱ्यांच्या सुरक्षेबाबत योग्य त्या उपाययोजना व्हाव्यात, अशी भूमिका या वेळी मांडण्यात आली.
निवेदनातील मुख्य बाबी:

कामावर बहिष्कार: अकोला जिल्ह्यातील सर्व ग्रामपंचायतींमध्ये आयोजित होणाऱ्या ग्रामसभांमध्ये ग्रामपंचायत अधिकारी 'ग्रामसभेचे सचिव' म्हणून कामकाज पाहणार नाहीत. * प्रशासनाला सहकार्याची भूमिका: प्रशासनाला सहकार्य करण्याची युनियनची तयारी असली तरी सुरक्षेचा प्रश्न महत्त्वाचा असल्याने, तोपर्यंत पातूर तालुक्यातील ग्रामसभांसाठी इतर विभागांतील कर्मचाऱ्यांची नियुक्ती करण्यात यावी, अशी विनंती निवेदनातून करण्यात आली आहे.
या निवेदनाची प्रत पातूरचे तहसीलदार व युनियनच्या जिल्हा शाखेलाही माहितीसाठी सादर करण्यात आली आहे.