अग्निशामक दलाच्या प्रयत्नांनी आग आटोक्यात
परभणी (Parbhani terrible fire) : सेलू तालूक्यातील कुंडी येथेशॉर्टसर्किटमूळे लागेल्या आगीत दोन भावांचे १५ लाखाचे नूकसान झाले आहे. सदरिल घटना शनिवार २५ एप्रिल रोजी सकाळी ११:३० वाजेच्या सुमारास घडली.
या (Parbhani terrible fire) घटनेमध्ये शिवाजी दत्तराव मोगल व सुनिल दत्तराव मोगल यांच्या माळवदाचे सागवान माडीचे ७ लाख रूपये, सोलार २ लाख रूपये, अन्नधान्य व पैसे मिळून ४ लाख ५० हजार रूपये असे एकूण १५ लाख रूपयाचे नूकसान झाले असून या आगीच्या घटनेमूळे मोगल कुटूंब उघड्यावर आले असून या कुटूंबाची मोठी आर्थिक हानी झाली आहे. सदरील आगीच्या घटनेची तिव्रता एवढी होती की आग विझविण्यासाठी सेलू नगरपालिकेच्या आग्नीशामन दलास पाचरण करून आग आटोक्यात आणण्यात आग्निशामन दलास यश आले. घटनास्थळी मंडळ अधिकारी विजय बोधले व पोलिस पाटील प्रदिप मोगल यांनी पंचनामा करून सोमवार २७ अहवाल तहसिलदार यांना सादर करणार आहेत. दरम्यान या घटनेमूळे हळहळ व्यक्त होत आहे.
