जिंतूर बसस्थानकातील घटना; अज्ञात चोरट्याविरूध्द गुन्हा दाखल
परभणी (Jintur Bus Stand Crime) : जिंतूर येथील बसस्थानक परिसरात गर्दीचा फायदा घेत अज्ञात चोरट्याने एका महिलेच्या गळ्यातील सुमारे पाच ग्रॅम वजनाचे सोन्याच्या मण्यांचे मंगळसूत्र चोरून नेल्याची घटना घडली. या प्रकरणी जिंतूर पोलिस ठाण्यात बुधवारी २९ जुलै रोजी चोरीचा गुन्हा दाखल करण्यात आला.
पोलिसांनी दिलेल्या माहितीनुसार, हरीश्चंद्र राम मुंढे यांनी दिलेल्या फिर्यादीनुसार, २३ जुलै रोजी दुपारी १.४० वाजण्याच्या सुमारास (Jintur Bus Stand Crime) जिंतूर बसस्थानकात गर्दीचा फायदा घेत अज्ञात चोरट्याने त्यांच्या पत्नीच्या गळ्यातील अंदाजे पाच ग्रॅम वजनाचे, सुमारे ३५ हजार रुपये किमतीचे सोन्याच्या मण्यांचे मंगळसूत्र लंपास केले. फिर्यादीने उशिराने तक्रार दिल्याने बुधवार २९ जुलै रोजी या प्रकरणी अज्ञात आरोपी विरुद्ध गुन्हा दाखल करण्यात आला आहे. पोलीस निरीक्षक नामदेव रेड्डी यांच्या आदेशानुसार या प्रकरणाचा पुढील तपास पोलीस हवालदार नसीब खान पठाण करीत आहेत.
