परभणी पोलिसांची जिल्हाभरात कारवाई गुन्हे दाखल
परभणी (Parbhani Theft Crime) : जिल्ह्यात मागील काही दिवसात चोरीच्या घटनांमध्ये वाढ झाली आहे. शेत आखाड्यावरील साहित्य, बंद असलेली घरे चोरटे लक्ष करत आहेत. चोरट्यांचा बंदोबस्त करण्यासाठी परभणी पोलिसांनी विशेष मोहिम राबवत संशयीतांना ताब्यात घेतले आहे. अंधाराचा फायदा घेत दबा धरुन बसलेल्या संशयीतांना पकडण्यात आले असून त्यांच्यावर विविध पोलीस ठाण्यात गुन्हे दाखल करण्यात आले आहेत.
जिंतूर तालुक्यातील बामणी पोलीस ठाण्यात नितीन रुस्तुम चव्हाण, चारठाणा पोलीस ठाण्यात प्रदीप प्रभाकर घुगे, नागोराव दासू मोहिते, गंगाखेड पोलीस ठाण्यात नितीन शिवाजीराव साळवे, सचिन संतोष जगताप, जिंतूर पोलीस ठाण्यात पवन आश्रोबा वाकळे, माऊली अंबादास नागरे, मानवत पोलीस ठाण्यात भय्यासाहेब सर्जेराव तुपसुंदरे, नवा मोंढा पोलीस ठाण्यात मोहम्मद रिहान मोहम्मद इरफान, डॅनियल सचिन पाल, नानलपेठ पोलीस ठाण्यात सोनू वैâलास कांबळे, पाथरी पोलीस ठाण्यात मोहम्मद बीन पारेस अबुद हांतोश, मनवर सरवर कुरेशी, शेख खलील शेख शादुल्ला, मोहम्मद हाजी मोहम्मद रियाजोद्दिन, सेलू पोलीस ठाण्यात संभाजी आबासाहेब भाबट, दत्ता कुंडलिक भाबट, श्रीकांत मुंजा हेडवे, गणेश बाबासाहेब मुळे, अभिजीत दिपक लिपणे यांच्यावर गुन्हा नोंदविण्यात आला आहे. सदर व्यक्ती संशयीतरित्या अंधाराचा फायदा घेत आपले अस्तित्व लपवून बसलेले मिळून आले. संबंधितांना ताब्यात घेऊन त्यांची चौकशी केली असता त्यांनी योग्य समाधानकारक उत्तर न दिल्याने त्यांच्यावर गुन्हा दाखल करण्यात आला आहे.
गंगाखेड, सेलुत चोरीच्या वाहनासह दोघे ताब्यात
परभणी : गंगाखेड आणि सेलू पोलीस ठाणे हद्दित पोलिसांनी केलेल्या कारवाईत संशयीतांना चोरीच्या वाहनासोबत ताब्यात घेण्यात आले. सेलू पोलीस ठाणे हद्दित सातोना रोडवर ज्ञानेश्वर राजेभाऊ निर्वळ याला पकडण्यात आले. तर गंगाखेड पोलीस ठाणे हद्दित दत्त मंदिर परिसरात निवरेश रतन साळवे याला एका वाहनासह पकडण्यात आले. संबंधित व्यक्तींकडे वाहनांबाबत योग्य माहिती नव्हती.
