पृथ्वी प्रणालीची आंतरक्रिया, मानवी कृती आणि पाण्याचा वापर या धनुष कबाडे च्या प्रकल्पाला कांस्यपदक

हिंगोली (Dhanush Kabade Bronze Medal) : वसमत येथील रहिवाशी असलेले पोलीस अंमलदार महारुद्र कबाडे यांचा मुलगा व नांदेड शहरातील ज्ञान भारती विद्या मंदिर, नांदेड येथील सहावीतील विद्यार्थी धनुष महारुद्र कबाडे (Dhanush Kabade) याने डॉ. होमी भाभा बालवैज्ञानिक स्पर्धेची तिसरी फेरी पार करून अंतिम तोंडी परीक्षेमध्ये मुंबई येथे कांस्यपदक प्राप्त केले.  डॉ. होमी भाभा बालवैज्ञानिक स्पर्धा ही विद्यार्थ्यांमधील वैज्ञानिक दृष्टिकोन, निरीक्षण क्षमता व तार्किक विचारांची चाचणी घेणारी प्रतिष्ठित स्पर्धा मानली जाते. धनुषणे आपल्या बुद्धिमत्तेच्या जोरावर उत्कृष्ट कामगिरी करत कांस्यपदक मिळविले आहे. 

तिसऱ्या फेरी मध्ये सादर करावयाच्या प्रकल्पासाठी धनुषने (Dhanush Kabade) पृथ्वी प्रणालीची अंतरक्रिया, मानवी कृती आणि पाण्याचा वापर हा विषय निवडला होता. या प्रकल्पासाठी त्याने विविध ठिकाणी भेटी घेऊन माहिती संकलित केली व त्यावर अभ्यास करून पाण्याचा वापराबाबत सविस्तर विश्लेषण केले. त्याच्या यशा बद्दल नांदेड परिक्षेत्राचे विशेष पोलीस उप महानिरीक्षक शहाजी उमाप यांच्याकडून कौतुक करण्यात आले.  तसेच वरील प्रकल्पासाठी त्यास ज्ञान भारती विद्या मंदिराचे अध्यक्ष वाकोडे पाटील, आदित्य तुंगेनवर, श्रीमती जोशी, वर्गशिक्षक नगरे,  सातारे व आई-वडील स्नेहलता महारुद्र कबाडे, काका सुनील कबाडे, तसेच  बालाजी गोदरे यांचे मार्गदर्शन लाभले आहे.