भाताण बोगद्यात अपघात; दोघांची प्रकृती चिंताजनक, पुण्याच्या मार्गिकेवर वाहतूक कोंडी
मुंबई-पुणे एक्स्प्रेस वेवर भाताण बोगद्याजवळ पाच वाहनांचा भीषण अपघात झाला. भरधाव बसने पुढे असलेल्या चार वाहनांना जोरदार धडक दिल्याने एक टेम्पो आणि तीन कारचे मोठे नुकसान झाले. या दुर्घटनेत ८ ते १० जण जखमी झाले असून त्यापैकी दोन जणांची प्रकृती चिंताजनक असल्याची माहिती आहे.
पुण्याच्या दिशेने जाणाऱ्या मार्गिकेवर हा अपघात घडला. बसच्या धडकेमुळे चार वाहनांचे मोठ्या प्रमाणात नुकसान झाले. अपघातानंतर जखमींना तातडीने रुग्णालयात दाखल करण्यात आले असून त्यांच्यावर उपचार सुरू आहेत.
या घटनेनंतर पुण्याच्या मार्गिकेवर वाहनांची मोठी गर्दी झाली. काही काळ एक्स्प्रेस वेवरील वाहतूक विस्कळीत होऊन कोंडी निर्माण झाली होती.
अपघातात ८ ते १० जण जखमी झाले असले तरी सुदैवाने कोणतीही जीवितहानी झालेली नाही. मात्र, जखमींपैकी दोघांची प्रकृती गंभीर असल्याने त्यांच्यावर वैद्यकीय उपचार सुरू आहेत.
