मानोरा (Student Bus Accident) : नांदगव्हाण व बोरवा येथील विद्यार्थ्यांना घेऊन बस मानोरा येथे येत असताना बोरवा येथील घाटात अचानक बस न्यूट्रल झाल्याने रिव्हर्समध्ये जाऊन शेतात घुसली. बसमध्ये अंदाजे ४० ते ४५ विद्यार्थी मुले-मुली प्रवास करत होते. (Student Bus Accident) घटनेमुळे विद्यार्थ्यांमध्ये काही काळ घबराट निर्माण झाली. घाटातील उतारावर बस अचानक मागे गेल्याने चालकाने बस नियंत्रणात आणण्याचा प्रयत्न केला.
मात्र बस रस्त्याच्या कडेला असलेल्या शेतात जाऊन थांबली. सुदैवाने मोठी दुर्घटना टळली असून विद्यार्थ्यांच्या सुरक्षिततेचा प्रश्न पुन्हा ऐरणीवर आला आहे. बसची तांत्रिक स्थिती आणि देखभाल योग्य पद्धतीने केली होती का, याची तपासणी करण्याची मागणी होत आहे. (Student Bus Accident) घटनेची माहिती मिळताच संबंधितांनी घटनास्थळी धाव घेतली. सुदैवाने जीवितहानी झाली नसल्याने पालकांनी सुटकेचा श्वास घेतला.
