आमदारांच्या घरासमोरील आंदोलन तात्पुरते स्थगित

हिंगोली (Hingoli Farmers Protest) : प्रस्तावित डिग्रस कर्‍हाळे साठवण तलाव रद्द करण्याच्या मागणीवर ठोस निर्णय होत नसल्याने शेतकर्‍यांचा संयम संपत चालला आहे. अनेक शेतकरी कुटूंबासह बैलगाड्या घेऊन लघूपाठबंधारे विभाग कार्यालया समोर आंदोलन (Hingoli Farmers Protest) करीत आहेत. जिल्हा प्रशासनासोबत झालेल्या चर्चे दरम्यान ठोस आश्वासन मिळाले नसल्याने शुक्रवारी आंदोलकांनी आमदार तान्हाजी मुटकुळे यांच्या निवासस्थानी जाऊन चर्चा करून आत्मदहन करणार असल्याचा इशारा दिला होता.

त्यानंतर ६ सप्टेंबर रविवार रोजी  आ. मुटकुळेंच्या निवासस्थाना समोर उपोषण व ठिय्या आंदोलन करण्याचा इशारा दिला होता. त्यामुळे उपविभागीय अधिकारी सतिष वाघ व पोलिस निरीक्षक देवेंद्रसिंह ठाकुर यांनी (Hingoli Farmers Protest) आंदोलकांशी चर्चा केली. यावर आज सोमवारी ठोस तोडगा निघणार आहे. त्यामुळे हे आंदोलन तात्पुरते स्थगित करण्यात आले आहे.