मलकापुर (Fuel Crisis) : मलकापूर व नांदुरा तालुक्यात सिलेंडरची भीषण टंचाई निर्माण झाली असून घरगुती तसेच कमर्शियल सिलेंडर मिळत नसल्याने मलकापूर,नांदुरा तालुक्यात गॅस धारकांना असंख्य अडचणींचा सामना करावा लागत आहे. गॅस एजन्सी पुढे पहाटे सहा वाजेपासून सिलेंडर साठी भर उन्हात लाईन लावून नागरिकांना ताटकळत उभे राहावे लागत आहे.तसेच व्यावसायिक सिलेंडर मिळत नसल्याने छोटे खानी हॉटेल, चहा टपरीधारक,धाबे वाल्यांचे रोजगार बंद झाले आहे.
शासनाने डिझेल व पेट्रोल ही बाटली , कॅनमध्ये देणे बंद केले असल्यामुळे शेती मशागत करण्यासाठी शेतकऱ्यांसमोर मोठा यक्ष प्रश्न उभा ठाकला आहे.केरोसीन ही उपलब्ध नसल्याने हॉटेल वाल्यांचे धंदे पूर्णतः बंद पडले असून त्यांच्यावर उपासमारीची वेळ आली आहे तरी शासनाने या छोट्या हातमजुरी करणाऱ्या धंदेवाल्यांना केरोसीन उपलब्ध करून द्यावे व पेट्रोल पंप धारकांना शेतकऱ्यांना पेट्रोल डिझेल, कॅन, बाटलीमध्ये देण्याचे सुचित करावे अशी निवेदनाद्वारे उपविभागीय अधिकारी संतोष शिंदे यांच्या मागणी करण्यात आली आहे. निवेदनावर शिवसेना उपजिल्हाप्रमुख गजानन ठोसर, शिवसेना शहर प्रमुख हरीदास गणबास ,उप शहर प्रमुख बाळू पोलाखारे,किसान सेना तालुकाप्रमुख महादेव पवार,उप तालुकाप्रमुख गजानन मेहेंगे, अल्पसंख्यांक सेना उपजिल्हाप्रमुख सै. वसीम सै.रहीम, शिवसेना नगरसेवक शेख निजामभाई, वाहतूक सेना शहरप्रमुख इम्रान लकी ,माजी न.प उपाध्यक्ष महादेव वनारे, माजी नगरसेवक पांडुरंग चिम,शेख मोहसीन सह शिवसेना पदाधिकाऱ्यांच्या स्वाक्षऱ्यां नमूद आहे.
