अमळनेर तालुक्यातील टकरेखेडा येथील धक्कादायक प्रकार; आत्महत्येमागील कारण अद्याप अस्पष्ट, पोलिसांकडून तपास सुरू
जळगाव : अमळनेर तालुक्यातील टकरेखेडा येथे एकाच कुटुंबातील चार जणांचा मृत्यू झाल्याची धक्कादायक घटना आज पहाटे घडली. सुनील अमृत भिल आणि त्यांच्या पत्नी पार्वती सुनील भिल यांनी आपल्या दोन मुलींसह रेल्वेसमोर उडी घेतल्याची प्राथमिक माहिती आहे. या घटनेत चौघांचाही मृत्यू झाला.
घटनेची माहिती मिळताच अमळनेर पोलिसांनी तातडीने घटनास्थळी पोहोचून परिस्थितीची पाहणी केली. पोलिसांनी चौघांचे मृतदेह ताब्यात घेतले असून ते शवविच्छेदनासाठी रुग्णालयात पाठवण्यात आले आहेत.
या घटनेनंतर परिसरात खळबळ उडाली आहे. भिल कुटुंबाने हे टोकाचे पाऊल नेमके कोणत्या कारणामुळे उचलले, याबाबत अद्याप स्पष्ट माहिती समोर आलेली नाही. पोलिसांकडून उपलब्ध माहितीच्या आधारे प्रकरणाचा तपास सुरू आहे.
घटनेशी संबंधित परिस्थिती आणि आत्महत्येमागील संभाव्य कारणांचा अमळनेर पोलिसांकडून शोध घेतला जात आहे. तपासातूनच या घटनेमागील नेमके कारण स्पष्ट होणार आहे.
