महसूल दिनानिमित्त बुलढाणा जिल्ह्यातील उत्कृष्ट महसूल अधिकारी व कर्मचाऱ्यांचा स्वातंत्र्यदिनी होणार गौरव

​उपविभागीय अधिकारी शरद पाटील व तहसीलदार वैशाली डोंगरजाळ यांच्यासह ११ जणांची जिल्हास्तरावर निवड

​चिखली (Buldhana Revenue Officer) : महसूल व वन विभागाच्या वतीने दरवर्षी १ ऑगस्ट रोजी 'महसूल दिन' साजरा केला जातो. या औचित्याने महसूल विभागात क्षेत्रीय स्तरावर उत्कृष्ट आणि उल्लेखनीय कामगिरी करणाऱ्या अधिकारी व कर्मचाऱ्यांचा गुणगौरव करण्यात येतो. सन २०२५-२६ या वर्षासाठी बुलढाणा जिल्ह्यातील उत्कृष्ट महसूल अधिकारी व कर्मचाऱ्यांची जिल्हास्तरीय निवड समितीमार्फत निवड करण्यात आली आहे.

​या निवडीमध्ये (Buldhana Revenue Officer) बुलढाण्याचे उपविभागीय अधिकारी  शरद पाटील आणि देऊळगाव राजाच्या तहसीलदार श्रीमती वैशाली डोंगरजाळ यांनी बाजी मारली आहे. ​जिल्हाधिकारी कार्यालयाकडून मिळालेल्या अधिकृत पत्रानुसार, या सर्व गुणवंत अधिकारी व कर्मचाऱ्यांचा त्यांनी केलेल्या उत्कृष्ट व उल्लेखनीय कार्याबद्दल १५ ऑगस्ट २०२६ (स्वातंत्र्यदिन) रोजी सकाळी ठीक ८:१५ वाजता जिल्हाधिकारी कार्यालय, बुलढाणा येथे गौरव व सन्मान करण्यात येणार आहे.

​उत्कृष्ट महसूल अधिकारी व कर्मचारी यादी (२०२५-२६):
​शरद पाटील – उपविभागीय अधिकारी, बुलढाणा
​वैशाली डोंगरजाळ – तहसीलदार, देऊळगाव राजा
​डॉ. प्रवीणकुमार तुकाराम वराडे – नायब तहसीलदार, सिंदखेड राजा
​नंदकिशोर चौधरी – सहाय्यक महसूल अधिकारी, खामगाव
संजय सुपडू चौधरी – मंडळ अधिकारी, चिखली
विनोद मधुकर तोडे – महसूल सहायक, मेहकर
​अक्षय शंकर चौधरी – ग्राम महसूल अधिकारी, शेगाव
​सचिन ए. गिरी – शिपाई, मलकापूर
​कैलास देविदास चव्हाण – वाहन चालक, सिंदखेडराजा
​नारायण सुखदेव हिवाळे – पोलीस पाटील, चिखली
​पी. डी. वाघ – महसूल सेवक, संग्रामपूर

उपजिल्हाधिकारी (महसूल) समाधान गायकवाड, निवासी उपजिल्हाधिकारी व जिल्हाधिकारी बुलढाणा यांच्या मान्यतेने ही निवड यादी जाहीर करण्यात आली असून, सर्व संबंधित अधिकारी व कर्मचाऱ्यांचे प्रशासकीय वर्तुळातून व नागरिकांमधून अभिनंदन केले जात आहे.