भिवापूर (Bhiwapur Gram Panchayat By-Election) : तालुक्यातील अपात्रता मृत्यू व अन्यकारणाने रिक्त झालेल्या जागेवर घेण्यात आलेल्या ग्रामपंचायत पोटनिवडणुकींचे दिनांक 29 एप्रिल रोजी जाहीर करण्यात आले. स्थानिक तहसील कार्यालयात झालेल्या मतमोजणीत नवेगाव (देशमुख) मध्ये अश्विनी बंडू गायकवाड , थुटानबोरी पुनर्वसन सुनील किसन लेकुरवाडे हे विजयी झाले. याशिवाय टाका ग्रामपंचायत मध्ये पंजाब महादेव पंचभाई, अड्याळ पुनर्वसन थेविता बाळू वरखडे आणि कवडसी बरड प्रफुल प्रलाद साठवणे हे तीन सरपंच अविरोध निवडून आले. तसेच कारगाव व पांजरे पार पुनर्वसन या दोन ग्रामपंचायतीच्या सरपंच पदासाठी कोणीही उमेदवारी अर्ज सादर न केल्याने सदर ग्रामपंचायतचे सरपंच पद रिक्त ठेवण्यात आले.
ग्रामपंचायत सदस्य करता घेण्यात आलेल्या पोटनिवडणुकीत कवडसी बरड ग्रामपंचायत मध्ये वैभव अर्जुन दडमल हे निवडणुकीत विजयी झाले. तर अड्याळ पुनर्वसन मध्ये गणेश बिसन खानकुरे पहामी ग्रामपंचायत मध्ये अनिल नथ्थू पिल्लेवान जवराबोडी ग्रामपंचायत मध्ये उषा महेंद्र बांते हे तीन ग्रामपंचायत सदस्य अविरोध निवडून आले. निवडणूक निर्णय अधिकारी म्हणून भिवापूर तहसीलचे तहसीलदार संजय राठोड यांच्या मार्गदर्शनात प्रमोद जांबुडे व सविन कांबळे यांनी निवडणूक निर्णय अधिकारी म्हणून काम पाहिले. एकूण 14 ग्रामपंचायत पैकी सात ग्रामपंचायत मध्ये सरपंच पदाची व इतर ग्रामपंचायत मध्ये ग्रामपंचायत सदस्या करिता घेण्यात आलेल्या या पोट निवडणुकीत ग्रामीण मतदारांचा मात्र उत्साह दिसून आला नाही.
