भोपाळ (Sagar Illicit Liquor Case) : मध्यप्रदेशातील सागर येथे समोर आलेल्या अवैध दारू प्रकरणाची मुख्यमंत्री डॉ. मोहन यादव यांनी गंभीर दखल घेतली आहे. या प्रकरणाची न्यायालयीन चौकशी करण्याचे आदेश मुख्यमंत्री यादव (CM Mohan Yadav) यांनी दिले आहेत. संपूर्ण प्रकरणाची निष्पक्ष चौकशी करून वस्तुस्थिती समोर आणण्यासोबतच दोषी व्यक्तींची जबाबदारी निश्चित केली जाणार आहे.
मुख्यमंत्र्यांच्या निर्देशानंतर दिलीप कुमार यांनी सागर विभागीय आयुक्त म्हणून पदभार स्वीकारला आहे. तसेच इरशाद वली यांची सागर विभागाच्या पोलीस महानिरीक्षकपदी (IG) नियुक्ती करण्यात आली आहे. या प्रशासकीय बदलांकडे प्रकरणातील जबाबदारी निश्चित करण्याच्या दृष्टीने महत्त्वाचे पाऊल म्हणून पाहिले जात आहे.
मुख्यमंत्री डॉ. मोहन यादव (CM Mohan Yadav) यांनी स्पष्ट केले आहे की, गंभीर प्रकरणांमध्ये कोणत्याही स्तरावर निष्काळजीपणा किंवा (Sagar Illicit Liquor Case) अनियमितता खपवून घेतली जाणार नाही. न्यायालयीन चौकशीच्या माध्यमातून या प्रकरणामागील संपूर्ण परिस्थिती, संबंधित बाबी आणि त्यामध्ये कोणाची भूमिका किंवा जबाबदारी आहे, याची निष्पक्षपणे तपासणी केली जाणार आहे.
दोषी आढळल्यास कठोर कारवाई
चौकशीत जो कोणी दोषी आढळेल, त्याच्याविरुद्ध कायद्यानुसार कठोर कारवाई करण्यात येईल, असे राज्य सरकारने स्पष्ट केले आहे. नागरिकांची सुरक्षा ही सरकारची सर्वोच्च प्राथमिकता असून, कायदा-सुव्यवस्थेशी संबंधित प्रकरणांमध्ये कोणत्याही प्रकारची हलगर्जीपणा आढळल्यास संबंधितांची जबाबदारी निश्चित केली जाईल. न्यायालयीन चौकशीचे आदेश आणि त्यानंतर करण्यात आलेल्या प्रशासकीय बदलांमुळे (Sagar Illicit Liquor Case) सागर अवैध दारू प्रकरण सरकारने गांभीर्याने घेतल्याचा स्पष्ट संदेश देण्यात आला आहे.
