औंढा नागनाथ (Shri Aundha Nagnath) : येथील आठवे ज्योतिर्लिंग श्री नागनाथाचे श्रावणातील पहिल्या सोमवारी व त्यातच आलेल्या नागपंचमी निमित्त हर हर महादेव बम बम भोले च्या जय घोषात दीड लाखावर भाविकांनी दर्शन घेतले. यावेळी मंदिराचा परिसर भाविकांच्या गर्दीने फुलून गेला होता हर हर महादेवाच्या जयघोषाने दिवसभर औंढा नागनाथ येथे भक्तिमय वातावरण निर्माण झाले होते.
तत्पूर्वी पहाटे एक वाजता मंदिर संस्थांचे अध्यक्ष तहसीलदार हरीश गाडे, शोभा गाडे, पोलीस निरीक्षक शामकुमार डोंगरे, सरला डोंगरे, मंदिराचे व्यवस्थापक सुरेंद्र डफळ,वर्षा डफळ यांच्या हस्ते सपत्नीक श्री नागनाथाची दुग्ध अभिषेक करत शासकीय महापूजा पार पडली यानंतर उत्तर रात्री दोन वाजता (Shri Aundha Nagnath) श्री नागनाथ मंदिराचे दरवाजे भाविकांना दर्शनासाठी खुले करण्यात आले. यावेळी बम बम भोले हर हर महादेवाच्या गजरात दीड लाखावर भाविकांनी श्री नागनाथाचे दर्शन घेतले.
दर्शनासाठी भाविकांची गर्दी पाहता गर्भ ग्रहातील सर्व अभिषेक बंद करण्यात आले होते. तर मंदिर संस्थान कडून आलेल्या भाविकांना रांगेत पाण्यासह सुविधा उपलब्ध करून दिल्या होत्या. भाविकांची प्रचंड गर्दी वाढल्याने पोलीस प्रशासनाकडूनही या ठिकाणी मोठा बंदोबस्त ठेवला होता. पोलीस अधीक्षक श्रेणिक लोढा यांनी सकाळी अकरा वाजे दरम्यान मंदिरास भेट देऊन बंदोबस्ताचा आढावा घेतला व (Shri Aundha Nagnath) श्री नागनाथाचे दर्शन घेतले. कोणत्याही शिवभक्त भाविकांना अडचण भासू नये यासाठी मंदिराचे अध्यक्ष तहसीलदार हरीश गाडे, पोलीस निरीक्षक शामकुमार डोंगरे मंदिर व परिसरात फिरून आढावा घेत होते.
पोलीस अधीक्षक श्रेणिक लोढा यांच्या मार्गदर्शनाखाली विभागीय पोलीस अधिकारी राजकुमार केंद्रे, पोलीस निरीक्षक शामकुमार डोंगरे, सहाय्यक पोलीस निरीक्षक कैलास भगत, मंदिराचे अधीक्षक वैजनाथ पवार, व्यवस्थापक सुरेंद्र डफळ, मंदिर सुरक्षा प्रमुख बबन सोनूणे,पोलीस उपनिरीक्षक अमोल इंगोले, पोलीस उपनिरीक्षक शेख खुद्दूस, जमादार दिलीप नाईक, जमादार रविकांत हरकाळ,शाहेद सय्यद, किशोर पारीसकर,तानाजी ढाकरे, रमेश मस्के, ओंकारेश्वर रांजणेकर, यांच्यासह दोनशे वर पोलीस कर्मचारी, होमगार्ड, पोलीस पाटील, मंदिर कर्मचारी, एस आर पी दोन प्लॉटून यांनी मंदिरात चोख बंदोबस्त ठेवला होता. तसेच सीसीटीव्ही कॅमेरा द्वारे गर्दीवर लक्ष होते दिवसभरात दीड लाखावर शिवभक्तांनी श्री नागनाथाचे दर्शन (Shri Aundha Nagnath) घेतल्याची माहिती मंदिराचे अध्यक्ष तहसीलदार हरीश गाडे यांनी दिली.
