पुणे (CJP Pune Protest) : नीट-यूजी पेपरफुटीच्या मुद्द्यावरून देशातील तरुणांमध्ये संताप वाढत आहे. दिल्लीतील जंतर मंतर येथे झालेल्या मोठ्या आंदोलनानंतर, कॉकरोच जनता पार्टीने (CJP) आपले आंदोलन महाराष्ट्रात विस्तारण्याची योजना जाहीर केली आहे. केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी (CJP Pune Protest) पक्षाने महाराष्ट्राची शैक्षणिक राजधानी म्हणून ओळखल्या जाणाऱ्या पुण्यात 11 जून रोजी मोठ्या आंदोलनाची घोषणा केली आहे.
सीजेपीने दिलेल्या माहितीनुसार, हे आंदोलन 11 जून रोजी दुपारी 4 वाजता सावित्रीबाई फुले पुणे विद्यापीठाच्या परिसरात होणार आहे. (CJP Pune Protest) पक्षाने सोशल मीडियावर समर्थकांना मोठ्या संख्येने उपस्थित राहण्याचे आवाहन केले आहे आणि पुण्यातील किती कॉकरोच या आंदोलनात सामील होतील, असा प्रश्न उपस्थित केला आहे.
11 जून रोजी पुणे विद्यापीठासमोर आंदोलन
कॉकरोच जनता पार्टीने (Cockroach Janata Party) दिलेल्या अधिकृत माहितीनुसार, हे (CJP Pune Protest) आंदोलन पूर्णपणे शांततापूर्ण आणि विद्यार्थी-केंद्रित असेल. आंदोलनाची रूपरेषा खालीलप्रमाणे मांडण्यात आली आहे. पक्षाच्या सोशल मीडिया हँडलवरील तरुणांच्या प्रतिसादावरून असा अंदाज आहे की, पुणे आणि आसपासच्या शैक्षणिक संस्थांमधील हजारो विद्यार्थी आणि तरुण या आंदोलनात सहभागी होतील. डिजिटल विश्वात 20 दशलक्ष फॉलोअर्सचा टप्पा ओलांडलेल्या CJP च्या या ऑफलाइन आंदोलनात विद्यार्थी झुरळाचे मुखवटे घालून आणि फलक घेऊन प्रतिकात्मकरीत्या सहभागी होत आहेत.
भेटूया पुण्यात! जय महाराष्ट्र! https://t.co/3L3IUarDUF
— Abhijeet Dipke (@abhijeet_dipke) June 8, 2026
खरं तर, मे 2026 मध्ये, सर्वोच्च न्यायालयात बनावट पदवी प्रकरणाच्या सुनावणीदरम्यान, (CJP Pune Protest) डिजिटल कम्युनिकेशन स्ट्रॅटेजिस्ट अभिजीत दीपके (Abhijeet Deepke) यांनी या शब्दाला एक व्यंगात्मक राजकीय शस्त्र बनवले. ते म्हणतात की, हा त्या तरुणांचा आवाज आहे ज्यांना 'निष्काळजी' किंवा 'कीटक' समजून व्यवस्थेकडून अनेकदा दुर्लक्षित केले जाते.
